STates& tweets

السيد عبدالمنعم: ويبقى أكبر لغز فى الثورة المصرية حتى الآن.. كيف يصل بتوع البطاطا لقلب أى أحداث قبل الأمن.
عفاف مجاهد: النهارده النت فصل شوية.. روحت قعدت مع أهلي.. بس تصدقوا طلعوا ناس لذاذ أوي.
نيرة البيسى: يا جماعة إنتم فاهمين غلط، الناس دى اللى عند الاتحادية عايزين ياخدوا مرسى بالحضن.
كرستين نبيل: واحد بيقول لصاحبه: الإخوان لو مسكوا الحكم مش هيسيبوه أبدا.. صاحبه قال له: إشمعني؟ قاله: ما هو المرشدين اللي جابوهم بعد حسن البنا كلهم إخوان.
أحمد ريان: الرئيس مُرسي اقترح على مُصور مجلة "تايم" استخدام خلفية شاطئ البحر أو برج إيفل ولكن المصور اعتذر له قائلاً: "مانتاش في ستوديو حمادة فوجي".
مصطفي السلكاوي: أيام جدى لما الرجالة تاكل.. الستات تقف لهم بالميه.. أيام أبويا لما كانت الرجالة تاكل.. الستات تاكل معاهم.. أيامى أنا بقى لا لاقي آكل ولا لاقى ستات.
الشومة: ساعات باحس إن الهبل اللي بيحصل في الفيس ده سببه إن مارك زوكربيرج لما ابنه بيعيط بيفتح له إعدادات فيس بوك يلعب فيها علشان يبطل عياط.
عمر الغيطي: بيقولك مرسي اتصل بحسني مبارك وقاله: اطلعك براءة وتقولي كنت ممشي البلد ازاي؟ رد وقاله: كنت حاطط الإخوان في السجن.
عمرو اليماني: الإخوان شايفين المعارضين والفلول خونة.. والمصلحنجية والفلول شايفين الإخوان إرهابيين.. والثوار شايفين إن الكل باع مصر.. ومصر لو اتكلمت هتقول كلام أبيييح.
محمد محمود: البورصة بقت بتخسر أكتر من الزمالك.
حامد البيسي: جدول ميدان التحرير: السبت و الاتنين و الاربع: سلفيين وإخوان.. الأحد والثلاثاء والخميس : ثوار.. الجمعة: صيانة ورى ولم فوارغ خرطوش وغاز ونقل جثث وتبادل اسرى.
محسن العيوطي: أى حوار بين أى اتنين بنى آدمين فى أى بلد ديمقراطى بيبقى الحوار قائم على مبدأ يا اقنعك يا تقنعنى.. فى مصر بيبقى قائم على مبدأ يا أقنعك يا أشتمك..
أحمد غالى: معاً لإزالة "النسر" من علم مصر ووضع علامة تعجب!
محمد بليغ: العلم نور.. والجهل مهند، والدراسة سنوات الضياع، وقاعة الامتحان وادي الذئاب، والامتحانات لحظة وداع، وشهادة الدكتوراة الحلم الضائع، وهكذا تمضي الأيام، وأنك تحب الدراسة هذا هو العشق الممنوع.
رنا ممدوح: كوكتيل غير مسبوق فى التحرير.. الثوار مع أعداء الثورة.. الوفد مع الدستور.. أبوحامد مع البرادعى.. بكرى مع صباحى.. ناقصهم فرغلي.. عرفتوا يعنى إيه فخفخينا؟؟؟
أسامة محمد: مجلس الشعب بعد ما طلع قرار غلق المواقع الإباحية.. اتحل.. النائب العام بعد ما طلع نفس القرار بغلق تلك المواقع.. إتشال.. اللى بييجى على الغلابة عمره ما يكسب أبدا.. الحقيقة.."المواقع الإباحية خط أحمر".
محمد خلاف : بيان رقم واحد.. محدش يعترض علي بوستاتي.. بوستاتي نهائية ولا يجوز الاعتراض عليها أو الطعن فيها وشكرا.
عمار منصور: مصر- و بفضل مرسي- انتقلت من الدولة المدنية للدولة الفرعونية.. عقبال ما ننتقل للرفيق الأعلي ونخلص!