ربنا عالم بحالك

ارض وابعد عن شيطانك
واوعى يتعود لسانك
إن ده يبقى كلامك
ليه يا رب أنا مش تمام
ليه مش أحسن من فلان
ده مكانش وليه ده كان
واللى نفسك فيه هتاخده
حتى وإن كان حلم عادى ف المنام
إنت تعرف إيه في غيبه؟!
هو أدرى منك إنت وإحنا كلنا ملك إيده
هو يدى هو ياخد وإحنا لينا بس نرضى إحنا عبيده
هو أقربلك يا صاحبى من حبيب عاشق حبيبه
ربنا عالم بحالك
فيه حاجات مش مكتوبالك
بس فيه اللى أجمل منها بردو ومتشالالك
ربنا عالم بحالك
ربنا غنى عن سؤالك
ربنا بيحب دايما يختبر قوة إيمانك