هاشتاج «نفسك في إيه قبل ما تصوم؟» يتصدر «تويتر».. رحمة: «الجو يبرد شويتين».. زينب: «العيد ييجي».. محمد: «أكل وأشرب كتير».. شيرين: «أشوف بتوع الصيف حلو مفرفرين بكرة».. نوجا: «مفيش حد شايل مني»

دشن مستخدمو موقع التواصل الاجتماعي «تويتر»، اليوم الأربعاء، هاشتاجًا جديدًا حمل عنوان «نفسك في إيه قبل ما تصوم»، احتفالًا بحلول شهر رمضان الفضيل، تصدر أكثر الموضوعات تداولًا عبر الموقع، وتفاعل معه الكثير من المغردين، ومن جانبها رصدت «فيتو» أبرز التعليقات.
سارة: «أسأل الله عز وجل أن يرزقنا وإياكم صيامه وقيامه إيمانًا واحتسابًَا.. اللهم آمين».
رحمة سعيد: «نفسي الجو يبرد شويتين بس عشان أقدر اروح عند أهلي».
زاد: «نسأل الله أن يطعم كل من لا يجد طعاما وأن يشفي كل مريض وأن يعافي كل مبتلى ويرحم كل ميت وينصر المسلمين في كل مكان».
حسن: «ربنا ما يحرمنيش من اللي بحبهم ويغفر لنا ذنوبنا يارب».
محمد جابر: «ماحدش يقولي صايم ولا زي كل سنة لما رمضان يجي».
محمود عبد العزيز: «يارب إني نويت الصيام فإن توفيتني فاجعلني من الصائمين».
ليلى: «نفسي أصلي بالجامع وأسمع صوت الأذان وقت الفجر».
عائشة: «أن يهلك الله كل عدو وكل كاره وحاقد للإسلام والمسلمين».
أصالة: «نفسي إن ربي يتقبل صيامي ويجعل رمضان خير وبركة عليَّ أنا وأحبابي وكمان اللي زعلانين مني نفسي إنهم يسامحوني».
أحمد محمود: «إن ربي يغفر لي ويعفو عني ويتقبل صيامي وقيامي ويطهرني من كل شيء لا يرضيه عني».
زينب طاهر: «نفسي العيد ييجي».
إسراء سعد: «نفسي ربنا يغفر لنا وينصر مصر ويقضي على الإخوان خالص».
مروى: «الأمن والاستقرار والنصر لسوريا.. يَا رب اجعل رمضانهم أجمل من كل الأعوام السابقة».
توتا: «نفسي أي حد زعلته يسامحني وميشيلش في قلبه مني وأنا مسامحة أي حد في يوم زعلني».
شيرين: «نفسي أشوف بقى بتوع الصيف حلو وجميل وهم مفرفرين بكرة وبيلهثوا وبيدوروا على بؤ مية وبيشتكو من الحر تستاهلوو».
محمد مصطفى: «نفسي اكل واشرب كتيييييير».
هبة: «نفسي ربنا يتقبل صيامنا».
وفاء: «نصر كبير للأمة يشفي صدورنا، وتبقى بدل فرحتين عند الإفطار ثلاث».
نوجا: «يا رب مفيش حد يكون شايل مني بقلبه ومتسامحة مع نفسي ومع كل الناس».