نشطاء ل«محمد سلطان»: «الجنسية المصرية شرف».. رحمة: «المصري بيضحي بحياته عشان تراب بلاده».. محمود: «رجالة بتموت علشان تحمي هويتها وعيال عايشة مش عجبها جنسيتها».. وإسراء: «عايزة أموت على أرضها»

دشن مستخدمو موقع التواصل الاجتماعي «تويتر»، اليوم السبت، هاشتاجًا جديدًا حمل عنوان «الجنسية المصرية شرف»، تفاعل معه الكثير من المصريين، وتصدر أكثر الموضوعات تداولًا عبر الموقع، تزامنًا مع قرار الإفراج عن الإخواني محمد سلطان من السجن وسفره إلى أمريكا بعد تنازله عن الجنسية المصرية، ومن جانبها رصدت «فيتو» أبرز التعليقات.
فاطمة بوسي: «مش عاجبك البلد يا حيلة.. روح أمريكا واكتبلنا مذكراتك من هناك وانت ماشي زي الألف.. تخاف ما تختشيش صح الجنسية المصرية شرف يا...».
الجنسية المصرية شرف
هبة المصري: «الجنسية المصرية شرف بعد تنازله عن الجنسية المصرية الصحفي محمد سلطان نجل القيادي الإخواني صلاح سلطان غادر إلى أمريكا جنسية الإرهابيين القتلة.. الإرهابيون القتلة الجواسيس يحملون الجنسية الأمريكية وبتنازلهم عن الجنسية المصرية يهربون بلا حساب».
ريري محمد: «عرفنا ليه الإخواني بيكون معاه جنسية تانية.. لأنه عارف إنه خاين وهيستخدمها ضد بلده في وقت الخيانة.. الجنسية المصرية شرف».
محمود أبو كارم: «الجنسية المصرية شرف طبعا دي مش محتاجة هتشاق روحي فداكي يا بلدي معلش ما هو إللي بيبيع نفسه بالفلوس ويحرض ضد جيشه ده قرف محسوب علينا».
حسن محمد: «برغم المهانة برغم القرف.. برغم الزبالة اللى مالية الشوارع.. برغم الفساد اللي بيه اعترف.. وبرغم كل ده يا مصر بحبك ودا آخر كلام».
إنجي: «اللي مش عاجبه الجنسية المصرية ممكن يتخلى عنها عادي جدا وروح اشتغل عبد في قطر».
فاطمة: «حماة الوطن.. ما بيتنازلوش عنه».
أموت على أرضها
إسراء سعد: «انا اتولدت مصرية وهموت مصرية ومش عايزة حاجة من الدنيا غير إني أموت على أرضها».
محمد محمود: «لو هاناكلها عيش وملح لو هانام على الصخر ولو دمنا يسقي الرمل العيشة تحت سماها كلها فخر».
محمود عبد العزيز: «رجالة بتموت علشان تحمي هويتها وعيال عايشة مش عجبها جنسيتها».
رحمة: «المصري بيضحي بحياته عشان تراب بلاده».
يذكر أن محمد سلطان هو نجل القيادي الإخواني صلاح سلطان، المحكوم عليه بالإعدام في قضية «غرفة عمليات رابعة»، وحكم على محمد سلطان بالمؤبد في نفس القضية، وأضرب محمد سلطان عن الطعام لمدة نحو 490 يومًا لرفضه البقاء في السجن، وتم تنفيذ قرار الإفراج الصحي عنه اليوم.