الشاعر أشرف توفيق ينتقد سلوك وأغانى فرق "الأندرجراوند"

عقب الجدل الذي أثاره ألبوم "ناس وناس" لفريق كايروكي، نشر الشاعر والكاتب أشرف توفيق، مؤلف الأغنية المشهورة مرسال لحبيبتي، عبر حسابه الشخصي على موقع التواصل الاجتماعي "فيس بوك" يقول:
"كل فرق الأندرجراوند ومغنيين الأندرجراوند العامل الأول والأخير في نجاح أغانيهم هوه الكلمات، مفيش صوت ممكن تقول عليه صوت جامد إلا ناس معدودين ع الصوابع في وسط زحمة الصريخ والزعيق من الباقيين، الأصوات وحشة، الألحان معظمها مكرر ووحش ومفيش فيه أي فكرة، يا دوب عبارة عن خلفية بجيتار وشوية تخبيط وواحد بيزعق قدام أنا مثلا حبيت قوى أغنية "والله ما عايز غير كباية شاى" للمبدع محمود رضوان، بس مش باطيق صوت أمير عيد. في الميكروفون.
أضاف توفيق في تعليقه: "أنا عارف إن الأصوات دى عبارة عن حالة بتعيش جواها ومش شرط يبقى صوتهم عبقرى، بس برضه واجب عليهم يدوروا عن تجديد في لحن، في فكرة، في حالة جديدة يطلعوا بها ع الناس كل مرة، الناس دى تحولت فجأة بسبب تشجيع الناس المبالغ فيه ليهم أنهم تخيلوا أنهم مطربون بجد وصوتهم حلو بجد وأنهم بيعملوا نهضة موسيقية بجد، إذا كان الأندرجراوند عمل نقلة فعلا خلال السنوات الأخيرة فهو بينهار دلوقتى فعلا من كتر الأفاقين والمهللين لأى فرقة ولأى صوت ولكل واحد مسك جيتار".