ابين زين

ورقك خلاص انكشف يا حزب جماعتنا... وسكتك كلها ما بقتش سكتنا.. ولا كنت يوم الوصى على فكر ثورتنا.. لو كنت شاطر يا شاطر قول وسكتنا .. ليه كل ما تقول كلام ترجع تقول غيره.. وفقت فى الحنجلة الوطنى وتبريره.. عايز تكوش على المجلس وتحذيره.. الشعب فاق وانتبه طير عصافيره.. دستور بقى ياللى جاى تكتب دساتيره.. واللى ما هش ع المزاج.. تأمر بتغييره.. وعملت للشعب إيه.. غير بس تحذيره.. وأنا رملى قال للودع السكة مش سالكة.. ومن بديع الحكم... إعمل لهم عاركة.. حاور وناور وخللى الأسلمة ماركة.. مرة مع الثورة.. مرة لأ مافيش ثوار.. مرة مع العسكري.. تانى يوم تقول غدار... مرة حشكل وزارة أغلبية كتار.. ومرة تانية الرياسة وأكمل المشوار.. عمال بتحلم بأكل التورته ليل ونهار.. والشعب مش لاقى أنبوبة وغاز وسولار.. سلامات يا حزب الجماعة إنت رايح فين.. أنا بأنصحك شوف حكيم يعدل لك الموازين.. ويعلمك فى السياسة الحكم والقوانين.. وأنا رايحة ألم الودع.. والدمع مالى العين.. وبكره حارجع أشوف بختك وأبين زين..