افرحي يا بلدي

يا مصر ليه الدمع يزيد
شهيد بيرحل ويا شهيد
يا مصر كِفياك أحزان
هو الفرح ملوش مواعيد
صبرتى كتير ياما حبيبتى
والهم كان عليك شديد
ومين يخفف عنك همك
ولادك دول يفدوكى أكيد
يلّا بينا نعيد أمجادنا
ونبنى بلدنا من جديد
مصر لو قالت هتشكى
ظلم اللى دايمًا عنيد
عايش ياكل من خيرها
ولمّا تنادى يهرب لبعيد
يا مصرى قوم هات الأمل
بإيمان وقوة وعزم حديد
يا بلدى النصر قدامنا
بس نحط الأيد ف الأيد
كلنا نبنى بروح واحدة
ابن حلايب وابن رشيد
يا مصر بكرة الشدة تزول
والحزن راح يتْبدل عيد
دا لو متنا واسمك عايش
نموت عشان عمرك يزيد