كاميرات الفلول تفسد خطاب مرسى

على غرار تبريرات شباب الإخوان لكل إخفاقات الرئيس، انتقد شباب "فيس بوك" خطاب مرسى الأخير الذى بثته قناة المحور، وقالوا: إن جبهة الخراب هى سبب سوء الخطاب، كما ألقوا باللائمة على الكاميرات التى تتبع نظام مبارك وأنه تسلمها "خربانة"، "فيتو كافيه" رصدت تعليقات الشباب..
محمد كامل: لو الجبهة بطلت إنقاذ، والإخوان بطلوا نهضة، والرئيس بطل خطابات، البلد دى هتبقى زى الفل.
خالد طه: هو عارف يعمل خطابات بسبب جبهة الخراب.. حرام عليكوا إدوا له فرصة.. هو يعنى هيعمل إيه ما هو مستلم الكاميرا خربانة.
سارة أبو يوسف: حد يقول للرئيس إن الحوار ال Late بيخلينا مش بنصحى early .
هالة العوضى: "مرسى: الانتخابات فى شهر يوليو إللى هو شهر ستة.. وحمادة هلال يرد: علشان تبقوا تتريقوا كويس.
إسلام قاسم: جايبلنا الخطاب الساعة 2 ؟؟ .. وعايز تنيمنا من الساعة 10؟
فريد القهوجى: الخلاصة لحد دلوقتى.. الديموقراطية هى أن المعارضة والشعب يقولوا رأيهم بحرية وأنا أعمل إللى أنا عايزه!
إسلام السعيد: لقد هرمنا من أجل هذه اللحظة التاريخية.
السيد مخلوف: هو خطاب مرسى إيه غير شوية إفيهات لباسم يوسف؟
أحمد منير: عاجل.. سبب تأخر الخطاب.. الريس بيتأكد إن موقع جلوبال أد مارت شغال وإن ال 500 دولار مرحوش عليه.