البرادعى: الشعب لن يكف عن تعاطى المنشطات الجنسية إلا إذا تخلص من الإخوان المسلمين !!

فى حوار مع الدكتور محمد البرادعى سألته عن سبب استمرار قناة التت فى البث رغم صدور حكم قضائى بغلقها فقال: وانت عايز تقفل قناة التت ليه ياعم أبو طقة.. قلت: أنا مش عايز بل بالعكس دا أنا بحب الرقص الشرقى!!.. قال: انت حبيبى ياعم أبو طقة لأنك متصالح مع نفسك بعكس من يطالبون بإغلاق القناة وهم مدمنو مشاهدتها!!.. قلت: كيف هذا يا دكترة؟!.. قال: هم يطالبون بغلق التت أمام الإعلام فقط لكنهم فى آخر الليل يجلسون أمام شاشتها والدليل أنهم منذ صدور الحكم بإغلاق القناة لم ينطقوا بكلمة ضدها وكفوا عن المطالبة بغلقها حتى ظننت أن القاضى الذى أصدر حكم الإغلاق نفسه ندمان لذلك لم يطالب أيضا بتفعيل الغلق.. وثانيا هما عايزين يقفلوها ليه يا أخى طالما الشعب عايزها.. مافيش ديمقراطية خالص فى البلد دى؟!.. قلت: جايز علشان الإعلانات بتاعة المنشطات الجنسية التى تخدش حياء النساء فى البيوت يا دكتور!!.. قال: طب ما كل الرجالة فى مصر بتاخد منشطات وكل الستات يعرفوا كده وعاملين قال يعنى مطنشين.. إحنا شعب مريض يا أبوطقة بيه ولازم نتخلص من هذه العقد النفسية التى تركها لنا النظام السابق ويجرنا إليها الإخوان حاليا.. الشعب لن يتخلص من المنشطات الجنسية إلا إذا تخلص من حكم الإخوان المسلمين!!