بالصوت.. "أوضة ضلمة" شعر ل "ميسرة صلاح الدين"

أوضة ضلمة
------------
بهدوء شديد..
فتَحِتْ الباب الخشب..واتسحَّبِتْ
الأوضة كانت ضلمة كحل
وأنا كنت أغمق ركن ف الضلمة
رغم المهدئ..بارتعش تفكير
الأوضة كانت ضلمة كحل
أشباح كتير م الماضي نهشتْ عزلتى
فطفيت سيجارة ف كفي
وقلبت السرير
الأوضة كانت ضلمة كحل
أوقات كتيرة شجاعتى بتخونني..
مش قادر أقطع حتى شريانى الأخير
بهدوء شديد..
فتحتْ الباب الخشب.. واتسحّبتْ
ما بقيتش عارف..هاعمل إيه ؟