ريهام سعيد تعلن اعتزال الإعلام والتمثيل (فيديو)

أعلنت ريهام سعيد اعتزالها العمل الإعلامى والتمثيل، والتفرغ لرعاية أطفالها والاهتمام بأسرتها. ونشرت ريهام مقطع فيديو جديد عبر حسابها الرسمى على «إنستجرام»، قالت فيه: «بما إن الحملة الممنهجة اللى معمولة من الصبح، وكل 3 دقايق المواقع تنزل حاجة تقوم بيها الناس مش حقيقية، ومجرد إن حد يقرأ إنى أهنت الناس البدينة ومرضى السمنة، وإحنا بنكسل نقرأ فبنصدق إنها أهانت ومش مهم الست دى ولا مستقبلها ولا ولادها ولا حياتها». وأضافت: «أى حد ساهم فى وقفى من صحفيين أو مواقع أو ناس بتكذب لأنى مقلتش حاجة، وواضح من تعليقات الناس إنهم سامعين مفيش حد شاف الحلقة».
وواصلت ريهام: «أنا بعتذر لكل الناس اللى زعلت منى من غير حق لأنى والله ما قلت حاجة، مش عايزة حد يتضايق منى، أنا مبعتذرش عشان أرجع فى أى حتة، أنا عمرى ما هشتغل فى العمل الإعلامى تانى، وعمرى ما هشتغل ممثلة تانى، وعمرى ما هرجع الشغلانة دى تانى، لأن أخطر من السرطان والسمنة ومن كل حاجة الضغط، وأنا بقالى 16
وواصلت ريهام: «أنا بعتذر لكل الناس اللى زعلت منى من غير حق لأنى والله ما قلت حاجة، مش عايزة حد يتضايق منى، أنا مبعتذرش عشان أرجع فى أى حتة، أنا عمرى ما هشتغل فى العمل الإعلامى تانى، وعمرى ما هشتغل ممثلة تانى، وعمرى ما هرجع الشغلانة دى تانى، لأن أخطر من السرطان والسمنة ومن كل حاجة الضغط، وأنا بقالى 16 سنة مضغوطة».
وتابعت: «جه الوقت اللى أعيش فيه حياتى، وأخلى بالى من ولادى، وأتقرب من ربنا، وأقعد مع جوزى، وأبقى زيكم كدا إنسانة طبيعية.. كفاية بهدلة الواحد لازم يعيش بكرامة».
واختتمت: «أنا مقلتش حاجة على التخان وكل اللى بيتقال دا تأليف وظلم، بس أنتم خدمتونى، وأنا مش راجعة تانى».
View this post on Instagram
#ريهام
A post shared by Reham Saeed (@rehamsaidofficial) on Aug 23, 2019 at 6:55pm PDT