بعد عزوف أعضاء النادي الأهلي عن التسجيل والتصويت على لائحة النظام الأساسي للنادي الأهلي خلال الجمعية العمومية غير العادية، اليوم الجمعة الموافق 28 من شهر سبتمبر الجاري بمقر النادي الأهلي الرئيس بالجزيرة، حيث علق المستشار مرتضى منصور رئيس نادي الزمالك عن ذلك العزوف. وقال مرتضى منصور، إن الثنائي هشام حطب رئيس اللجنة الأوليمبية ومحمود الخطيب رئيس النادي الأهلي، قد تم كشفهما أمام الجميع بعدما كانا يحشدان الأعضاء للتصويت على مدار الشهر الماضي: "أدي يا هشام يا حطب إنت والخطيب اتكشفتوا قدام الناس كلها بعد ما كنتم عاملين تدعوا الناس من شهر، وتقولوا لهم إن الجمعية العمومية التاريخية للنادي الأهلي إنه دستور مصر ودستور 23". وأكد مرتضى منصور، أن الخطيب وحطب جلسا مع محمد الدمرداش مستشار صلاح عبد المقصود، وزير إعلام حكومة هشام قنديل الإخوانية، قائلًا: "قعدتوا مع محمد الدمرداش العقالي الشيعي وزير إعلام الإخوان صلاح عبد المقصود". وتساءل مرتضى: "يا محمد إنت خدت إذن عشان تروح تشرف.. سيادة المستشارة الجليلة رئيسة النيابة الإدارية ومع حضرتك السادة المستشارين المحترمين إزاي يسيبوا اللجان كده ويروحوا ياكلوا؟ وكل ده متسجل على فكرة ولحد الساعة 3 و4 أنا هاوري مصر كلها إن الجمعية العمومية فاضية مارحش فيها 200 واحد، وده بقى يعرفنا إن أعضاء النادي الأهلي محترمين ليه؟ لأن اللائحة كلها ديكتاتورية.. لائحة مافيهاش وطنية، لأن أعضاء مجلس الإدارة هاربنين من التجنيد عشان ماعدش عنده إشراف قضائي، ولا حتى الأوليمبية الملوخية العبطية دي.. لا ده الإشراف جاء من عنده هو". ووجه مرتضى منصور حديثه لأعضاء النادي الأهلي: "أي تسويد مصر كلها شافت إن اللجان فاضية، وده الفرق بقى بين نادي الزمالك والآلاف المؤلفة اللي كانت حاضرة من الساعة التاسعة صباحًا يا هشام يا حطب عشان العتال مأكلك.. ودي جمعية عمومية محترمة رفضت تشارك في المهزلة دي، إنما بقى هتسود أنا كعضو جمعية عمومية للأهلي هبلغ ومش هسكت ونشوف بقى مين بيمضي لمين". وبدأت الجمعية العمومية الخاصة للنادي الأهلي للتصويت على لائحة النظام الأساسي، في مقر القلعة الحمراء بالجزيرة، وتسجيل وتصويت الأعضاء في تمام التاسعة صباحًا، وستستمر حتى السابعة مساء اليوم الجمعة، ويكتمل النصاب القانوني للجمعية العمومية للنادي في حالة حضور 12500 عضو للتصويت على لائحة النظام الأساسي، التي تم طرح النسخة النهائية منها منذ عدة أيام، وسط اعتراض العديد من الأعضاء على بعض بنودها.