السيسي: كان فيه شخصين بيتعشوا ب50 مليون دولار عايزين يوقعوا مصر

بعث الرئيس عبد الفتاح السيسي، برسالة طمأن خلالها المصريين على مستقبل البلاد، التي تعهد أن يحافظ عليها، حيث قال: «أنا مسئول أمام الله والمصريين أن أحافظ على البلد ويستحيل إسقاطها مرة ثانية».
وكشف السيسي في كلمته في الحلقة النقاشية، خلال اليوم الثاني لمؤتمر «حكاية وطن»، اليوم الخميس، عن المتآمرين ضد مصر عام 2011، حيث قال: «أنا كنت مدير المخابرات عام 2011، وعارف الدنيا بيحصل فيها أيه كويس جدًا، وكان فيه أشرار بيستهدفوا البلد دي، وهناك شخصين كانوا بيتعشوا بخمسين مليون دولار، وعايزين يوقعوا مصر».
وأضاف: «هقولكم كلام صعب بقا.. مظاهرتين تهد بلد، نحاصر البرلمان ونحاصر مجلس الوزراء.. خلصت مصر»، متابعا: «أنا مسئول أمام الله سبحانه وتعالى وأمامكم إنى أحافظ على البلد ويستحيل إسقاطها مرة تانية، ومش عايز أقول كلام أصعب من كدا، يعنى واحد ب50 مليون دولار بيتعشوا بيهم مع بعض هناك يوقعوا مصر؟ أنا كنت مدير المخابرات في 2011 و2010 وعارف الدنيا كان فيها أيه، وبيحصل أيه، الشرفاء وأصحاب النوايا الطيبة آه، لكن كمان كان فيه أشرار بيستهدفوا إسقاط الدولة دي».
يأتي ذلك بحضور عدد من الوزراء فى مقدمتهم المهندس مصطفى مدبولى، وزير الإسكان، القائم بأعمال رئيس مجلس الوزراء، ووزير الكهرباء ووزير التخطيط ووزير التنمية المحلية ووزير البترول.