عمرو مصطفى: «الفنان هيبة ومش أنا اللي هدور على عمرو دياب»

كشف الملحن عمرو مصطفى طبيعة علاقته بالمطرب عمرو دياب حاليا.
وقال مصطفى خلال حواره أمس السبت مع الإعلامية شيماء سيف ببرنامج "تلاتة فى واحد"، المذاع عبر فضائية "أون إي"، إن علاقته بالهضبة طيبة للغاية، وتعمها مودة وحسن عشرة، مشيرا إلى وجود تاريخ من الأعمال الفنية الجيدة بينهما.
وأضاف الملحن: "أنا كعمرو الملحن حاسس إنى عملت ليه كل حاجة ومش هضيف ليه تانى، وأعتقد إن فيه جيل لازم يطلع تانى، وأنا ممكن أطلع مطربين جدد وعمرو يطلع ملحنين جدد، فيكون فى الوسط الفنى موسيقى راقية بدلا من المهرجانات اللى بنسمعها".
واستكمل مصطفى، بأنه لم يعرض أى عمل على الهضبة خلال فترة تعاونهما فنيا، مشيرا إلى أن إنهاء العمل بينهما بسبب صيغة تعاقد مع شركة فنية عربية.
ونفى الملحن ما يقال عن رفض الهضبة العمل معه مرة أخرى، قائلا: "الفنان هيبة ومش أنا اللى هدور على عمرو، أنا مش معايا رقم عمرو دياب المفروض هو اللى يدور عليا مش أنا اللى هدور عليه"، واستطرد قائلا: "عمرى ما كلمت مطرب وقلت ليه عندى أغنية، لازم المطرب يجرى كتير وبعدين أنا أفكر أن هعمل ولا لأ، وده مش غرور ولكن دى عزت نفس، اولفنان بدون كرامة عمره ما هيبقى فنان ولو مش صادق أو منافق عمره ما هيطلع فن جيد".