كريم فهمي يوجه رسالة لرجال «حكايات بنات» بعد غيابه عن الجزء الجديد

وجه الفنان كريم فهمي رسالة للرجال المشاركين في مسلسل "حكايات بنات" برغم غيابه، حيث نشر صورة لهم جميعًا عبر حسابه على "أنستجرام"، قائلًا: "رجالة حكايات بنات مبروك آخر يوم تصوير، كل واحد عامل دور جامد جدًا جدًا جدًا".
وانتهى فهمي من دوره في مسلسل "حكايات بنات"، حيث ينتهي دور "عاصم" في الجزء الثاني، ولن يكون له وجود في الجزء الثالث من المسلسل.
وأضاف: "رمزي لينير؛ رمانة ميزان المسلسل و ده في كل الأجزاء، أحمد صلاح حسني تلقائية في الأداء وأحسن واحد يعمل دور فؤاد الطيب الجدع عشان أحمد كده في الحقيقه بجد، وأحمد الشامي مبسوط بيك وربنا كرمك عشان انت نضيف من جواك، عامل الدور حلو أوي".
وتابع: "أحمد العوضي ممثل جامد دون افتعال عشان كده مازن اتحب من الناس، وأحمد جمال السعيد عامل مجهود كبير أوي في المسلسل ساعات الدارما بتخلي الناس تتضايق من الشخصية بس هو ده النجاح".
واختتم "فهمي" رسالته وتهنئته: "مبروك يا رجالة وكان نفسي أبقي معاكوا، وان شاء الله تتعوض".