قالت الفنانة دينا الشربيني، مساء الأربعاء، إن الحرية الجنسية أول الطريق لعلاج التحرش، مستكملةً: «من وإحنا في المدرسة كنا دايمًا بنحس إن في حاجة مختلفة بين الولد والبنت، ولما البنت تروح تسأل مامتها فتتكسف تجاوبها، والبنت متعرفش لأن اللي بيعرف المتجوزين». أضافت دينا، خلال حوارها ببرنامج «فحص شامل»، مع الإعلامية راغدة شلهوب، عبر فضائية «الحياة»: «مدرس العلوم بيشرح للطلاب وهو مكسوف مع أن ده علم، كانوا بيحسسونا إن ده شيء خطأ، وطبعًا أن ضد ممارسة ذلك إلا عن طريق شرعي، وأي ديانة في الدنيا بتقول لا، وكمان مجتمعنا بيقول لا». وتابعت: «لازم يكون في ثقافة جنسية، عشان ميبقاش عندنا خوف ورهبة، عشان منبقاش بنسرق، لو اتنين عايزين يمسكوا إيد بعض بيروحوا على النيل ورا الشجرة عشان يعملوا كده، تحسي إنهم بيسرقوا». واستكملت دينا: «في حاجات ينفع تتعمل وحاجات لا، والبنت اللي بتحدد ده، عندها مبادئها الخاصة، وكل واحد حرّ في حياته، لكن دي أحاسيس يا جماعة، وأنا مش بقول نبوس بعض ولا أقدر، أنا مش بتكلم في حاجات جنسية، أنا بتكلم عن ضرورة وجود ثقافة جنسية بطريقة علمية صحيحة».