مي كساب تهاجم «السوشيال ميديا» بسبب إليسا: «انحلال وانحطاط أخلاقي»

هاجمت الفنانة مي كساب منتقدي النجمة اللبنانية إليسا، بعد أن نشرت الأخيرة صورا تجمعها بالمصور اللبناني وديع نجار في العاصمة الإسبانية مدريد، الأمر الذي أثار جدلا بين رواد مواقع السوشيال ميديا ولقبه البعض ب"خطيب إليسا".
وقالت كساب مهاجمة الساخرين من إليسا: "مازال مسلسل الانحلال والانحطاط الأخلاقي مستمر، مش عارفه امتى هنرتقي بأخلاقنا امتى هنعرف دينا، أنا بجد مصدومة ورافضه السكوت على المهزلة دي".
وأضافت عبر صفحتها على موقع تويتر "بتتريقو على خلقه ربنا بتتريقو على إيه يا شوية.. مش عارفه والله أقول إيه، لا حول ولا قوه إلا بالله إليسا وخطيبها ولا صديقها ولا أي حاجة.. انتو مين انتو مالكم كرهتم الواحد في الشهرة والفن.. عيب، ليه كده، ايه اللي وصلنا للانحطاط ده بجد، جبتو الأخلاق دي منين، لا دين ولا تربية فضا".
وتابعت "فراغ السوشيال ميديا.. بكابورت السوشيال ميديا.. ارحمنا يارب، اهديهم يارب مش مصدقة، كل كام يوم حفلة على حد ليه، كل واحد يخليه في حاله يشوف نفسه، يبص في مرايته هيلاقي العبر، لا حول ولا قوه إلا بالله، مش مصدقة إن دي أخلاق العرب فوقوا، ارتقوا، ارفعوا دولتي على العلم والاخلاق".