فيديو| مصطفى قمر عن شراكته في «كافيه كيف»: «كان زمان.. وكل الناس عارفة أخلاقي»

علق الفنان مصطفى قمر، على اتهام إحدى المتصلات ببرنامج "العاشرة مساء"، بالشراكة مع أسامة النجار، مالك كافية مصر الجديدة، الذي شهد واقعة وفاة الشاب محمود بيومي: "كنت شريك في كافية كيف وانسحبت عندما تأكدت من عدم الربح".
أضاف قمر، خلال مداخلة هاتفية مع الإعلامي وائل الإبراشي، ببرنامج "العاشرة مساء"، المذاع على قناة"دريم2"، اليوم السبت: "لو الكلام صح وأنا لسه شريك كانت النيابة سألتني، أنا مليش علاقة بحاجة، أسامة النجار صديقي وراجل كويس وشوفت أولاده ومراته، واللي حصل حاجه فردية من فرد اتصرف بشكل خطأ كأنه في غابة ولازم يأخد جزائه".
وتابع: "كل الناس عارفة أخلاق مصطفى قمر، وأنا مش بحب الكلام الكتير، ومش هينفع اتناقش في الموضوع ده أساسًا، الجو في البلد بقى وحش والرشاوي كترت والأخلاق ضاعت، وفيه ملفات مفتوحة ربنا يكون في عون اللي بيحقق مع الناس دي، فساد بلدنا بقى أخلاقي".