أديب: «فيلم الجزيرة» تافه وزبالة.. وأنا ضيعت مجهود على الفاضي

قال الإعلامي عمرو أديب، مساء الأحد، إن البيان الذي أصدرته قناة «الجزيرة» كُتب في الخارج ولم يخرج عن القناة نفسها، لافتةً إلى أنها من المرات القليلة التي تهتزّ فيها القناة، مستكملًا: «البيان ده ماتكتبش في القناة، البيان ده جالهم من برة، هما مش عارفين أن فيه مصريين بيشتغلوا معاهم وبيسربوا أخبار ولا إيه».
أضاف أديب، خلال تقديمه برنامج «كل يوم»، عبر فضائية «أون تي في»، «فيلم الجزيرة عن الجيش فيلم زبالة، وتمثيل تافه، ولا يستحق عناء مشاهدته أو ناخد بالنا منه حتى، وجنودنا ما بيلبسوش الهدوم دي، وتفاصيل كتير غلط، وأنا ضيعت مجهود على الفاضي، الفيلم بتاعهم هيعملي غازات أكتر من الكشري اللي كلته امبارح».
تابع: «الجزيرة وقعت في الفخ حينما أصدرت بيان لأول مرة عن فيلم العساكر، يحاولون فيه تبرير هذا الفيلم، وادعت أنه هناك تسرع في الحكم علي الفيلم قبل عرضه، بيقولوا إيش عرّفكم أن الفيلم هيبقى مسيء ولا لاء، وكأن الجزيرة اتولدت امبارح ومش عارفين إنها ضد مصر».
وقال إن «الإعلامي أحمد منصور نفسه استعجل قبل عرض الفيلم وكتب في تويتة أن الفيلم فيه جرائم، وده اعتراف منه أن الفيلم مسيء وهما مش عارفين يلعبوها صح، وأحمد منصور كان لازم يستنى بعد الفيلم».