بالفيديو.. منصور للساخرين منه: «اتقوا ربنا ومتستغلوش إنه هاديني»

قال مرتضى منصور رئيس نادى الزمالك، إنه توجه إلى السعودية لأداء مناسك الحج، مضيفًا: "أنا كي جي حج ودي أول مرة ليا، والحمد لله اللي بيغلط في هقوله ربنا يسامحك ويهديك، وبشكر ربنا إنه ساعدني إني أحج هذا العام".
وأضاف رئيس الزمالك، فى مداخلة إعلامية أمس الجمعة مع الإعلامى سيف زاهر، مقدم برنامج "الكورة مع الحياة"، المذاع على فضائية "الحياة": "كان يوجد داخل نادى الزمالك مكان يلعب فيه القمار ويشرب فيه الخمر فى فترة من الفترات، وقررت إزالته وبناء مسجد على مساحة 300 متر".
وتابع: "شايف تريقة علي وفيه ناس ملبسانى عمة وبشتم المصلين، وبرضه نفس القصة على الشيطان ورمى الجمرات، فبقولهم اتقوا ربنا لأن الحاجات دى مافيهاش هزار، ومتستغلوش إن ربنا هادينى وتضغطوا علي أكثر من ذلك، لكن ربنا يسامحكم".