بالفيديو| ميسرة: «سافرت لندن وأنا عندي 20 سنة.. وفتحت على الثقافات الأوروبية»

قالت الفنانة ميسرة، إن سفرها ودراستها بالخارج، كان لهما دور كبير في منحها الاستقلالية وتحمل المسئولية، مضيفة إنها سافرت إلى لندن وهي في عمر 20 عامًا للدراسة في جامعة كامبريدج البريطانية.
وأوضافت ميسرة، خلال حوراها لبرنامج "الستات مابيعرفوش يكدبوا"، والذي يقدمه الإعلاميتان" منى عبد الرازق" و" مفيدة شيحة "، على فضائية "CBC"، "عندنا عيب في التربية وبندلع الولاد ومش بنشايلهم المسئولية وبنفضل نطبطب عليهم لغاية مابيتعلموش يفتحوا بيت، والطلاق كتر بسبب عدم شيل المسئولية".
وتابعت: "سافرت لندن وأنا عندي 20 سنة، رغم أن أهالي كانوا رافضين لكدا، ومكنش ليا حد هناك خالص، وفضلت أول أسبوعين أعيط وأقول عايزة ماما وبابا، بس أنا اتعلمت كتير وشوفت جنسيات جامدة جدًا وفتحت على الثقافات الأوروبية والعربية وكان معايا من جميع الجنسيات وأخدت خبرة ومسئولية".
ووجهت نصيحة للأسر المصرية: «لو الولد أو البنت عايزين يسافر ماتقفشوا في وشهم، لأنهم هيعملوها ويسافرو، والبنت لو هتسافر تعملها قدام عينكم أحسن ما تعملها من وراكم، ومصر اصعب من برة خالص».