كتب: أحمد حلمي أكد الإعلامي الرياضي، خالد الغندور، إن برنامجه «بندق بره الصندوق»، يواجه هجومًا شديدًا في الفترة الأخيرة من العديد من الشخصيات الرياضية، مثل الإعلامي مهيب عبد الهادي، واللاعب شادي محمد، واللاعب أحمد حسن، واللاعب أحمد فتحي، وطلب الغندور منهم أن يعمل كل منهم في عمله دون النظر للآخرين. وقال «الغندور»، في حلقة امس، من برنامجه «بندق بره الصندوق»، المذاع عبر فضائية «ON TV»: «في الفترة اللي فاتت في هجوم جامد جدا على برنامج بندق بره الصندوق، مش هقول على خالد الغندور، من الزميل مهيب عبد الهادي في قناة الحياة، من الكابتن أحمد فتحي، من الكابتن أحمد حسن، من الكابتن شادي محمد، ناس كتير وكلهم بكن لهم تقدير وإحترام، ولكن انا أتمنى إن كل واحد منهم يخلليه في عمله، في برنامجه، مالهوش دعوة ببرنامج غيره». وأضاف «الغندور»: «احنا بنشتغل عشان الناس، عشان الجمهور، يعني إحنا هنا في ON TV ماعندناش تحليل ماتشات، يعني مش هنتعاقد مع لاعب، ولا مدير فني، ولا مدير كورة بعم ما لا قدر الله المنتخب يخرج من التصفيات، غحنا بنقول اللي بيحسه الشعب». وتابع «الغندور»: «أحمد حسن كمدير كرة، مفيش حاجة خالص، كلاعب، أعظم لاعب جه في تاريخ مصر، وأحمد فتحي، لما انا قلت انه بيلعب كاراتيه انا ما بقللش منه، طول عمره عنده قلب وروح وبحبه، وهو نبض النادي الأهلي، بس مستواه نزل، في روح وآداء، بس الروح مالهاش دعوة بكمية الفاولات اللي بيعملها، يعني انا بشوف أحمد فتحي في أم صلال ما بيعترضش على الحكام، ولكن في المنتخب بيضرب ويعمل بنالتي، ويعترض».