هو و هي

هو
■ إمتى كنت فخور بنفسك وإمتى اتضايقت منها؟
- كنت فخور بنفسى لما شخص أجنبى مدح فى مصر والمصريين بعد الثورة، واتضايقت من نفسى لما كنت باقول لنفسى لو لم أكن مصريا لوددت ألا أكون مصريا.
■ بتحكم على الناس إزاى؟
- من خلال العشرة لأنى دائما أعتقد أن الإنسان مواقف.
■ لو فى جزيرة لوحدك، هتختار مين يعيش معاك؟
- أسرتى لأنهم قاموا بتربيتى أفضل تربية، ووقفوا بجانبى فى مواقف صعبة.
■ بتستقبل النقد بصدر رحب؟
- أنا شايف أن الإنسان عندما ينتقد تزيد نسبته فى التقدم والرقى، لأنه هيعمل بيها.
■ بتعبر عن رأيك بصراحة ولّا بتعمل حساب للناس؟
- باعبر عن رأيى الخاص فى جميع الحالات المطلوب منى الإبداء فيها بالرأى.
■ إيه السؤال اللى إجابته عندك «لا تعليق»؟
- سؤال بيتسأل لى دايما (هيا الفرخة اتخلقت الأول ولّا الديك).
■ بتتعامل مع الناس بحذر؟
- أنا باحب أتعامل مع الناس كأنهم أخواتى، لكن ناس معينة باتعامل معاهم بحذر زى اللى بيمدحنى لدرجة العظمة.
■ لو عندك آلة زمن، تسافر للمستقبل ولّا تسافر للماضى؟
- – لو عندى آلة زمن هاسافر للماضى لأنى بجد نفسى أشوف سيدنا محمد صلى الله عليه وسلم استطاع أن يسيطر على العرب بعينى.
هي
■ إمتى كنتى فخورة بنفسك وإمتى اتضايقتى منها؟
- بابقى فخورة بنفسى كل ما حد بيقولى كتبتى قصة حلوة، وباتضايق من نفسى كل ما أحس إنى نسيت ناس هى لسه فكرانى لحد دلوقتى.
■ بتحكمى على الناس ازاى؟
- بالتعامل معاهم.
■ لو فى جزيرة لوحدك تختارى مين يعيش معاكى؟
- أختى.
■ بتتضايقى من النقد؟
- الوقت علمنى أتقبله وأستفيد منه حتى لو ضايقنى.
■ بتعبرى عن رأيك بصراحة ولّا بتعملى حساب للناس؟
- بصراحة زيادة عن اللزوم.
■ إيه السؤال اللى إجابته عندك «لا تعليق»؟
- سؤال دايما جوزى يسألهولى وهو بيشغل كاسيت العربية «بذمتك مش عمرو دياب أحسن من فيروز؟».
■ بتتعاملى مع الناس بحذر ولّا بأريحية ولّا حسب الشخص؟
- بافترض حسن النية إلى أن يثبت العكس.
■ لو عندك آلة زمن، تسافرى للمستقبل ولّا تسافرى للماضى؟
- للماضى طبعا.