هو نظام صفقة ولا قفا ؟؟؟!!!!! عشان نفهم بس

سلامو عليكم
كل عام وأنتم بخير ضبطتوا نفسكم فى أكل الخروف وجاهزين للإنتخابات الكلام موجهه للجماعة اللى مرشحين نفسهم فى إنتخابات أقل ما يقال مزورة ، مهيييييييييييييينة ده التعبير الأنسب صراحة قمة الإهانة للشعب المصرى ، يعنى مثلا يطلع واحد يقولك البلد وكرامة البلد وصدااااااااع كثير كده وبعدين يقولك إيه لازم نشارك فى الإنتخابات عشان نغير ههههههههههه بالزمة يعنى الكلام موجهه لمين بالضبط لناس عايشه فى دنيا غير الدنيا ، ما علينا من الكلام خلينا فى الواقع وبالترتيب الزمنى ، حزب عريق جدا عراقته تعود إلى فكرة قديمة وإنتهت خلاص يعنى وجوده إنتهى بإنتهاء الفكرة دى وجهه نظر المهم الحزب العريق قال حاشارك ماشى لكن اللى حصل إنه دخل على مؤسسة صحافية ودمرها صح ، يا ترى التدمير ده فى مصلحة مين مصلحة ...... الكل عارف نفاجأ بعد يومين بإن النظام الحليف يمنع عرض إعلانات لهذا الحزب ظهرت نظريتين فى هذا الموضوع
اولا ::: نظرية بتقول ااااااااااه بيستعبطونا وقال يعنى حزب معارض بيتعرض للاضطهاد من النظام الحاكم
ثانيا ::: رأى قال ما لزوم الصفقة شيلنى واشيلك وطبعا دى نظرية اتحداكم لو فهتموها ههههه
فيه رأى اخر انا مقتنعة بيه ألا وهو مبدأ القفا يعنى الحكومة لو تلاحضوا أى حد يكون معاها المفروض إنها بتشيله على كفوف الراحة لالالالالالالالالا هى مش كده هى تاخذ الى عاوزاه وكمان تضرب على قفا حضرتك وللأسف ده تلاحظوه فى كل حاجة لإنها ياما مسكة عليك ذلة ، ياما خلالالالالالالالالالاص بلغت من الكبر والغرور والعته إنها تاخد منك وتقولك اشكرنى وبوس ايدى ، المضحك فى الأمر إن النظام برضه بيتضرب على قفاه من أمريكا واسرائيل رغم انه عامل خده مداس لأمريكا وبنتها اسرائيل وولو مش مصدقين شوية أمثلة لو بصينا نتأكد من صحة مبدأ القفا .
أمريكا تقول إنتخابات حرة ونزيهة هههههههه وطبعا كلنا عارفين أمريكا ميهمهاش نزيهة وشريفة كل اللى يهمها يفضل اسمها فى العلالى ملكة الحرية وطبعا حشره مناخيرها فى كل حاجة شىء مهم ، نشوف النظام عامل اقفل المعبر حاضر ، ابنى جدار عازل حاضر ، تستورد قمح منى حاضر ، بيع اراضى لاسرائيل حاضر والخ الخ حاجت كثير .
نشوف حركة العجيب انها لها شعبية واتحدى أى حد ينكر الشعبية دى برضه ولا تفهم هى مصرة على المشاركة ليه ما هى معروفة مزورة مزورة والله ومن غير مصحف ، وكمان بيتعرضوا للضرب والبهدلة الفجة ومصرين يشتركوا ويضحوا بارواح ناس عشان حاجة مزورة طب نضحى بارواح عشان تغيير والله نضرب ألف تعظيم سلام لكن عشان اقعد تحت القبة واللى لازم احنى ظهرى فيها واخد على القفا برضه نظريات حد فاهم حاجة ولا عمرنا حنفهم .
نشوف حاجة تانية
فى الإنتخابات مثلا المواطن المصرى الغلبان اللى لا حد معبره ولا سأل فيه عشان تاخد صوته ياما مظروف فيه 20 جنيه او توزع حاجات رمزية تختفى سريعا ولما ياخد الصوت تعال شوف المواطن عمل ايه بالمبلغ الكبير ده وحصل على ايه فى المقابل صحة ، تعليم ، مياه ، نظيفة !!!!! اتحداكم لو حصل ده
الجماعة المعارضين نص نص ما أصل مصر دى موعودة بمعارضة أشكال وأنواع مش نوع واحد يعنى معارضة صامتة ، معارضة جعجعة اللى صوتها عالى ولما تطلب منها تنزل الشارع تختفى فى ثانية ، ومعارضة نص نص يعنى رجل مع الحكومة ورجل تانية مش مع الشعب اصحوا مع المصلحة مش أكثر واستحالة نشوفها مع الشعب الا اذا كان فيه كاميرا بتصور ههههههه بالنسبة للمعارضة دى مثلا نلاقيهم يقولوا البلد ومصلحة البلد ونلاقى صفقات مهينة مع النظام ولما تسالهم يقولك أنا لاجل البلد وبرضه بياخد على قفاه ضرب من النظام وأحلى قفا كمان
كل ده إحنا الشعب فاهمين وساكتين امتى ربنا ينفخ فى صورتنا امتى
أتمنى إن نظام القفا والصفقة يكون شغال على ما يرام خلال الأيام القادمة

بقلم: سارة أبو زيد الهلالى (سارة عبد الحميد)