فيديو .. تسريب الحلقة الممنوعة من العرض لمرتضى منصور في "رامز واكل الجو"!

كل سنة وانتوا طيبن ورمضان كريم وربنا يارب ما يقطع لكم عادة ولا يحرمكم مني ولا يحرمني منكم، ضيف النهاردة مر بزيادة.. وفي أي مشكلة رقبته سدادة.. ضيف النهاردة هو الرجل الحديدي، مستشار بدرجة رئيس جمهورية، لو فكرت تكح معاه هيطلعلك الفضايح والمستخبي، خايف بعد الحلقة دي ألاقي السي دي بتاعتي ع اليوتيوب، المدمر أرنولد، فريد شوقي الكرة المصرية.. إمبراطور الزمالك، والفارس المغوار، معانا ومعاكم مرتضى منصوووووووووووووووووووووووور.
هكذا افتتح رامز جلال حلقته في برنامج رامز الجو وكان ضيفه مرتضى منصور رئيس نادي الزمالك.
ظهر مرتضى واثق الخطى يمشى ملكاً مرتدياً بدلته ونضارته الشمسية التي لا تفاق عينيه، يداعب هذا ويبتسم في وجه هذا.
هنا يدخل رامز جلال بالإفيه :" مرتضى داخل يقول هو فين اللي عمال يطير وعاملي فيها خفاش.. وربنا لانيمك من المغرب يا إمارات."
يدخل مرتضى القاعة وتستأذنه المذيعه لإجراء حديث تلفزيوني، وبالطبع يرحب مرتضى.
هنا يدخل رامز بإفيه أخر:" يا مرتضى يا مرتضى أنا بحبك يا مرتضى.. سبع سنين محبوسين، واحنا في عرضك يا مرتضى."
تبدأ المذيعة بالحديث ايه أكتر حاجة بتدور عليها في الأوتيل اللي بتنزل فيه؟!
يتحدث رامز:" اكيد الموبايلات والنت ولاب توب علشان يشوف سيديهات الضحايا؟، وكمان التلفزيون علشان يشوف شوبير بيقول عليه ايه."
تعود الكاميرا إلى المذيعة والتي تترك مرتضى منصور يتحدث من أجل جوسيب ماريا بارتوميو رئيس نادي برشلونة، وهنا يبدأ الغضب على وجه مرتضى منصور، يعلو صوته:" انتي يا بنت.. انتي مجنونه.. انتي عبيطة.. خدي هنا."
يذهب لها:" انتي ماتعرفيش أنا مين أنا مرتضى منصور." ترد ا لمذيعة بخوف:" أعذرني أنا أغطي الحفلة كلها بمفردي."
هنا يزداد غضب مرتضى ويرد بانفعال:" تيييييييييييييت على تييييييييييييييت الحفلة.".
يظهر رامز من جديد ضاحكاً ومبتسماً، النهاردة حلفة التييييييييييييت كلها، مش هنقول كلمتين على بعض، ربنا يسترها ومايرفعش قضية على المذيعة بتهمة سوء الإستماع والسخرية."
يحاول رجل الأعمال تهيئة مرتضى من ثورة الغضب ويعتذر له ولكنه لا يقبل اعتذاره ويعنفه بشدة قائلاً:" دي قلة أدب، احترموا نفسكوا أنا مرتضى منصور، انتوا بتتعاملوا مع مرتضى منصور."
وبعد محاولات مضنية يهدأ مرتضى ويجلس على المائدة، تقدم له القهوة ذات الطعم السيء:" يبص مرتضى القهوة على الأرض، مين بنت ال"تييييييييت" اللي عملت الزفت دي، هي باين عليها ليله بنت تيييييييييييت من أولها."
عندما تذهب الكاميرا إلى رامز من جديد:" هههههههههههههههههههههه ممكن يتعاقد مع بتاع القهوة دي علشان يقدمها للفرق الأفريقية اللي بتلاعب الزمالك."
تأتي الكلمة إلى مرتضى منصور يصعد على المنصة:" انا سعيد جداً اني موجود هنا في بلدي التاني.. الإمارات.. لكن أنا عاوز أقول حاجة المذيعة اللي مش محترمة دي بأقول لها انا عارفك وهاجيبك، أقسم بالله لاعرفك.. مين بتاع برشلونة دا اللي تسيبيني علشانه، لعلم حضرتك دا جالي مكتبي علشان ماتفاوضش مع رونالدينهو واجيبه الزمالك، علشان مايبقاش شكله وحش أدام جمهور برشلونة لما الزمالك يوصل كاس العالم للأندية مع رونالدينهو، ويغلب برشلونة في النهائي.. ويبدأ الحديث ويطول جديثه لمدة طويلة."
رامز:" يا جماعه سيبوه هو بيتكمل من 3 ل 4 سيبوه ساعتين كمان يمكن يخلص.. اناهاريح شوية كدا ولما يخلص صحوني."
يبدأ المقلب، ويتم دعوة مرتضى للصعود على الطائرة، وعندما يصعد يدخل رامز جلال للجلوس بجواره، وعندما يرش الرائحة الكريهة.. ينطق مرتضى:" ايه تيت أم الريحة دي.. استغفر الله العظيم."
تهدأ الرائحة قليلاً، ويعود رامز رشها من جديد، فتخرج الرائحة، هنا يقول مرتضى:" ياعم يلعن تيييييييييييت نفخت أمي،، انت واكل محشي كرنب ولا ايه."
يتمالك رامز نفسه من الضحك:" وتبدأ الطائرة بالترنح ويرتمي رامز في حضن مرتضي فيخرج رئيس الزمالك بإفيه:" يا بني ابعد عني ماليش في الخشن."

تأخذ الأمور الجانب الأسوأ، وينفعل مرتضى أكثر وأكثر مع ارتفاع صوت رامز الخائف، ويبدأ رئيس الزمالك في الحديث مرتضى:" انت وشك أمك أصلاً باين انه يوم زي ال تييييييييت من أوله، انا غلطان اني جيت تيييييييييييت أم الزفت دا.. وعليا الطلاق ماتتكرر تاني."
تسير الأمور على هذا المنوال، ثم تهبط الطائرة، ويلقي مرتضى برامز بعيداً عنه وعندما ينزل من الطائرة، يسير خلفه رامز ويقول له حمدا لله ع السلامة يا سيادة المستشار.
يلتفت مرتضى بظهره ليجد رامز جلال يخلع القناع الذي يرتديه للتخفي، يجري خلفه، هو انت يا ابن تييييييييييييييت.. والله ل تيييييييييييت دا انا هاطلع تيييييييييييييت أقسم بالله لاجيبك بلبوص يا رامز، والله لاقعدك في بيتكم تحشي كوسه أو كرنب علشان تبقى تضرب بمب زي اللي عملته فوق."

يحاول رامز تهدئة رئيس الزمالك غاضب، ولكن كل المحاولات باءت بالفشل، ويرفض إذاعة الحلقة، ويبدأ حربه الضروس مع رامز جلال.
كل ما سبق كان سيناريو تخيلي لحلقة في برنامج المقالب رامز واكل الجو، لو حاول مقدمه الممثل رامز جلال استضافة مرتضى منصور رئيس نادي الزمالك في أحد المقالب.