ردت يارا نعوم زوجة عماد متعب لاعب النادي الأهلي على الهجوم المتواصل عليها وعلى زوجها، وذلك عبر حسابها الخاص على موقع التواصل الاجتماعي "انستجرام"، وحرصت على توضيح عدة نقاط حيث قالت: "آخر مرة هاتكلم فى الموضوع ده! وكتبت بالعربى علشان محدش يحط التتش بتاعه .. 1- انا عندى برايفت اكونت واحد على الفيس بوك (يعنى معنديش أى صفحة انا بديرها) ومش مشكلتى ان فيه ناس عاملة صفحات عاملة باسمى وبيفتو والصحفيين مكسلين يبذلوا مجهود فى شغلهم. 2- أكونت واحد رسمى على تويتر. 3- انستجرام واحد بس (مليش دعوة بالباقى( 4- انا اسمى يارا نعوم مش ناعومى خالص! أخيرًا بقى بطلوا تدخلونى فى كل جملة مفيدة تخص الكورة، لأن عماد وحش أو كويس ده العادى زى أى لاعب محدش قال انه انسان آلى نازل بكتالوج مش هيبقى زفت ساعات ! وإن أنا أشجعه أو أزعل علشانه ده حقى برده وحاجة طبيعية .. قبل ما تتكلموا عنى خدوا لفة على نفسكم الاول".