أخبار الأهلي : فيديو.. وائل جمعة يوجه رسالة نارية لرمضان صبحي وشريف إكرامي وأحمد فتحي

أخبار الأهلي : وجه وائل جمعة، مدافع الفريق الأول لكرة القدم السابق بالنادي الأهلي ومنتخب مصر، رسالة هامة لرمضان صبحي، وشريف إكرامي لاعبي بيراميدز، وأحمد فتحي لاعب القلعة الحمراء.
وقال وائل جمعة: "الانتماء للأهلي شرف لا يحصل عليه إلا الذي يستحقه، اللي حابب أنه يبقى موجود في الأهلي هيزيد بالأهلي وهيكبر والأهلي هيضيف ليه وكلنا شايفين الأهلي ضاف لنا إيه وضاف في مشوارنا ايه".
وأضاف صخرة دفاع الأهلي: "اللي بيمشي من الأهلي هو اللي بيخسر ممكن يستفيد ماديا أو أموال بس هيخسر حاجات كتير هو نفسه هيحسها بعد ما يمشي".
أخبار الأهلي : وائل جمعه: الإنتماء للاهلي شرف لمن يستحقه
وتابع النجم الأهلاوي الكبير: "مش عاوز أتكلم على اللي بيمشي عاوز أتكلم على اللي موجود لأن اللي موجود هو اللي يستحق هو اللي يشيل اسم الأهلي ويدافع عن كيان الأهلي اللي عمل الناس دي كلها".
واختتم وائل جمعة تصريحاته: "الأهلي بيفضل يكسب ويحقق بطولات الناس التانية ممكن تحقق أموال وحاجات تانية بس هتخسر كتير بابتعادها عن الأهلي".
وحقق الأهلي الفوز بثنائية نظيفة على حساب الوداد المغربي في ذهاب نصف نهائي دوري أبطال افريقيا ويقام لقاء العودة يوم الجمعة المقبل على ستاد القاهرة.