الأهلي نيوز : نقاط قوة الأتحاد السكندري ومصادر الخطورة علي الأهلي

الأهلي نيوز : الاتحاد السكندري فريق بيقدم موسم غير معتاد له منذ فترات وسيواجه الأهلي صعوبة في لقاء اليوم ، مفيش شك أن الفريق مع طلعت يوسف قدم نتائج ممتازة مع أداء جيد فريق بيلعب ب4-2-3-1 مع منظومة مش قائمة على الاستحواذ في الأساس إلا أن مصدر قوتها في تمركز اللاعبين و الرقابة و الشغل الهجومي كله بيتمثل في احمد رفعت مع الغندور و رزاق سيسيه و خالد قمر .
الأهلي نيوز : الأتحاد يقدم نتائج مبهرة
الأهلي نيوز : احمد رفعت بيقدم موسم كويس جدا وهو مصدر الخطورة للجبهة الشمال اللي هتقابل بكره غالبا احمد فتحي ، احمد رفعت صاحب ال 3 اهداف و ال 3 اسيست مساهم في 50% من اهداف الاتحاد السكندري ال12 في ال9 ماتشات ، اكيد معدل جيد و الحقيقه رفعت بينوع في تحركاته مع طلعت يوسف اللي لما بيكون اللعب من جبهته بيدخل بالكوره في العمق بعرض الملعب بيكون في كذا حل قصاده سواء أنه يلعب بين المدافعين تمريره للجناح اليمين أو أنه يسقط كورة ل خالد قمر أو يسلم الغندور و يتحرك في ضهر الباك .
الأهلي نيوز : معركة وسط الملعب هتكون قصاد نور السيد و احمد نبيل مانجا و دول اتنين لاعيبة تدخلاتهم فيها نوع من القوة ، احمد نبيل مانجا مثلا لحد دلوقتي معاه 3 إنذارات ، شايف أن وسط الملعب محتاج ديانج مع السولية هيفيدنا في الصراعات الثنائية و كمان هيدي ارياحية للسولية أنه يزيد مع قفشة في شكل الهجمة اللي بينفذهاالاهلي . اخطر ما هيقابلنا بكره هو العمق الدفاعي ، الرباعي خالد قمر و تحتيه سيسيه مع الغندور أو اكوي مع رفعت لازم نحذر من تحركاتهم و مننجرش لتحركاتهم لفض المساحه و ياريت سعد و ايمن اشرف يكونوا اتفرجوا على سيسيه كويس و دخول رفعت في المنطقه و يطلع الباك السيد سالم .
الأهلي نيوز : أرقام هجومية مميزة للأتحاد
الأهلي نيوز : الاتحاد في 9 مباريات سجل 12 هدف و استقبل 5 اهداف ، اهداف الاتحاد منقسمة ل 8 اهداف في الشوط الأول و 4 اهداف في الشوط الثاني ، و الأهداف اللي استقبلها الاتحاد منقسمة ل 3 اهداف الشوط الأول و هدفين في الشوط الثاني ، مدلول الرقمي في ال9 مباريات بيوضح اهتمام الاتحاد على أنه يبادر بالتسجيل من الشوط الأول و بشكل عام الاتحاد مع طلعت يوسف بيلعب على اللي عاوزه من الماتش و في المباريات اللي لعبوها بيقدروا يلعبوا على نقط ضعف الفرق بشكل كويس .
الأهلي نيوز : سلاح من أسلحة الاتحاد السكندري أنه بيستغل الكرات الثابتة كويس جدا لدرجة أنه سجل 4 اهداف من ركنيات و سجل هدف من كورة ثابتة ملعوبة عرضية و نجم استغلال الكرات العرضية هو محمود رزق المدافع رقم 4 اللي سجل لحد دلوقتي 4 اهداف منها . الرباعي الأمامي كله بيصنع و بيهدف : – احمد رفعت سجل 3 و صنع 3 اهداف – رزاق سيسيه سجل هدفين و صنع هدفين – خالد قمر سجل هدف و صنع 3 اهداف – خالد الغندور صنع هدف ، ايمانويل اكوي سجل هدف
الأهلي نيوز : بأختصار الاتحاد مع طلعت يوسف بيلعب على اللي عاوزه من المباراة ، مش مستبعد أن الاتحاد ينزل بكره سايب الكوره و مستني الاهلي يهاجم و يعتمد على الكثافة العددية في الضغط و لما يمسك الكورة يستغل قدرات سيسيه في التحول الهجومي السريع ، الاهلي قادر أنه يكسب أن شاء الله و بكره هيكون تجربة قوية لدفاعتنا في مواجهة تنظيم هجومي جيد فيه عنصر السرعات .