أخبار الأهلي : بالأرقام : الرد علي أكاذيب الزمالك وكيف تعرض الأهلي لجدول مضغوط

أخبار الأهلي : الأهلي في شهر نوفمبر لعب أمام الترجي في ذهاب النهائي يوم 2 بعدها الإياب يوم 9 في رادس .. معسكر المنتخب كان من يوم 12 ليوم 20 .. لدرجة ان الأهلي سافر الإمارات قبل وصول الدوليين لملاقاة الوصل في إياب دور ال16 بالبطولة العربية يوم 22 .. رجع الأهلي وقابل المقاولون يوم 27 .. ايوة فين بقى ال20 وال50 يوم والقرنين راحة دول؟! واقنعوني بالله عليكم بالورقة والقلم والتواريخ زينا كده مش كله شعارات واهية معتادة لإدعاء المظلومية والسلام
أخبار الأهلي : أكذوبة حصول الأهلي عيل راحة لمدة شهر
أخبار الأهلي : طيب كمان أكذوبة ان اتحاد الكرة فضل يأجل يأجل للأهلي عشان يلعب الدور الأول بالصفقات الجديدة نرد بالتواريخ والأرقام بردوا كعادتنا .. الأهلي قابل المقاولون يوم 27/11 ثم بتروجيت يوم 1/12 ثم الجونة يوم 5/12 ثم الجيش يوم 9/12 ثم ذهاب دور ال32 في افريقيا يوم 14/12 ثم النجوم يوم 17/12 ثم الإياب في اثيوبيا يوم 23/12 واخيرا الداخلية يوم 29/12 .. يعني 8 مباريات في شهر واحد منهم 6 في الدوري المفروض نلعب اية تاني؟ اية نلعب كل يوم زي ما قال المشرف عندكم!
أخبار الأهلي : الأهلي يخوض جدول مضغوط
أخبار الأهلي : طيب انتم بتقولوا ازاي نخلص الدوري قبل الأمم ونلعب 5 مباريات مضغوطة؟ لييييية وانتم على راسكم ريشة الأهلي في فبراير لعب يوم 2 مع سيمبا ويوم 5 مع انبي ويوم 8 حرس ويوم 12 مع سيمبا في تنزانيا ويوم 16 مع الإنتاج ويوم 20 مع الداخلية ويوم 24 مع الجونة يعني 7 مباريات في 22 يوم .. ومش بس كده ده لعب يوم 30 مارس معاكم ثم يوم 2 مع الإتحاد ويوم 5 مع صن داونز في جنوب افريقيا ويوم 10 مع المقاصة وصن داونز يوم 13 يعني 5 مباريات في 15 يوم
أخبار الأهلي : ردينا عليكم بالأرقام والتواريخ والحقائق الثابتة التي لا تعرف الكذب ولا التجمل ولا تقبل الجدل ولا التشكيك وعارف ردك عليا بعد كل ده هتقولي ردود عايمة وخبط رزع وريحتم بعد الترجي شهر وملعبتوش في الدوري غير بالصفقات الجديدة ولعبتم المؤجلات بغير ترتيبها رغم انكم الاساس في ده وبتلعبوا كل اسبوعين مباراة ووكالة الأهرام وحسن حمدي وحازم الهواري وشوبير ورجع الساعات يا خطيب