أخبار الأهلي : شوبير يحتاج لمساندة الأهلي في الحرب مع مرتضي وأتحاد الكرة

أخبار الأهلي : يسعي أحمد شوبير كابتن الاهلي السابق للحفاظ علي حقوق النادي في جدول الدوري ، ويتصدي لمحاولات مرتضي منصور رئيس الزمالك ، الأهلي خسر اغلب المعارك بسبب الفشل في عقد نعمل تحالفات في حرب مصالح وحرب فلوس وحرب كل حاجة نتخيلها الخطيب يرغب في كل حاجة مثالية وهو أمر صعب حدوثة في الظروف الحالية .
أخبار الأهلي : شوبير يتصدي لمرتضي منصور للحفاظ علي الأهلي
أخبار الأهلي : أحمد شوبير دة دخل معركة مع مرتضى لما ضغط على اتحاد الكرة للتأجيل عشان نهائي الكونفدرالية وخلى لجنة المسابقات متوافقش بالتأجيل غير لما الزمالك وقع على موافقة بلعب ماتشاته بشكل مضغوط بعد النهائي في مقابل التأجيل هل الأهلي دعمه في هذا الموقف بالطبع لا ساد الصمت من إدارة الخطيب ، شوبير دلوقتي حاليا بيواجه مرتضى وبيرفض اللي بيتعمل وطلع هاجم الاتحاد وضغط عليه عشان هو مش صاحب قرار واللوبي اللي معمول جوا الاتحاد اقوى منه ومرتضى طلع هاجمه بالأمس حد اتكلم او دافع او سند شوبير اللي قال انا بتشتم ومحدش بيدافع عني .
أخبار الأهلي : شوبير يحتاج لمساندة جماهير الأهلي
أخبار الأهلي : ستتحجج الجماهير الحمراء والإدارة أن شوبير له مكالمات مش عارف مع مين اصل شوبير بيحب مصلحته اصل شوبير سنة 1400 قبل الميلاد عمل كذا ، علي إدارة الأهلي والجماهير أن يدركوا الواقع الحال نححن في معركة ومفيش غبي بيكسب معركة واحنا بقينا لوحدينا عشان خسرنا كل ادوات الصراع لا تتخلي عن مبادئك ومثاليتك ، نختلف مع كتير من مواقف شوبير ، لكن الموقف اللي بيتوافق مع مصالحي لا لازم نساند شوبير فيه ونحسسه ان في ناس وراه .
أخبار الأهلي : طول ما اي واحد هياخد موقف يتفق مع موقفك ومرتضى هيهاجمه وهيكسر عضمه واحنا بنتفرج هيخاف غيره انه يجيب لنفسه صداع لان اصلا في كل الاحوال انت مش هتشيله الموقف دة . اللي بينهشوا في لحمنا بقوا اكتر مما تتخيلوا ادعموا اي واحد هيقف معانا احنا في معركة لحد دلوقتي كتير منا مش مدرك أبعادها بما فيهم مجلس الادارة