الأهلي اليوم : الأهلي ينتهي من الجزء الأول من خطة بناء فريق قوية .. تعرف علي الجزء المتبقي

الأهلي اليوم : شهر يناير الماضي بالنسبة للنادي الاهلي هو كان اعظم شئ عملته ادارة الاهلي منذ تولت منصبها .. إدارة الملفات في يناير كانت علي افضل ما يكون ..واهم شئ هو التفطن لكيفيه بناء فريق قوي متجدد باستمرار .. من سنتين ظهر في أرتفاع بشكل عام في أسعار اللاعب وبالتحديد بعد انضمام نيمار لباريس ..
الأهلي اليوم : الدوري المصري لم يسلم من موجه الاسعار ومع دخول الاستثمار السعودي مصر بدأت مطالب الأندية تزداد ونادى الاهلي بضرورة ضبط الأسعار لكنه فشل بشدة ولم ينجح في سد إحتياجاته في الصيف ، الاهلي أدرك أنه عشان يعمل كده محتاج 3 حاجات في رأيي للمدي القريب والبعيد ..
الأهلي اليوم : اولا للمدي القريب .. بناء أساس وعمود فقري لفريق قوي بكواليتي كويس يعني لا يجوز أتعاقد مع لاعب ناشئ يشارك بجوار لاعب بكواليتي متوسط وانتظر أني في الاخر اخد منتج ممتاز .. المعادلة خاطئة ولأجل ذلك الاهلي أبرم 7 صفقات من العيار الثقيل كلهم جاهزين يقدروا يشيلوا الفريق
الأهلي اليوم : اما ثانيا و ثالثا فهم للمدي البعيد ، ثانيا : واحد من أهم عدم أسباب قدرة الاهلي علي ضبط الأسعار هو عدم وجود لاعب جيد في قطاع الناشئين يسد احتياجاتك وعشان كده الاهلي اشتغل بكل قوة في دعم فرق الناشئين واهمهم فريق 97 اللي دعمه بأكتر من 6 لاعبين أبرزهم محمود السلمي الملقب بميسي فلسطين و بكده تقدر تخفض احتياجاتك الموسمية من 7 أو 8 ل 3 أو 4 فقط لان انت اصلا عندك اساس قوي بتبني عليه
الأهلي اليوم : ثالثا : ودي بالنسبالي افضل الملفات اللي إدارة الكرة في الاهلي اشتغلت عليها وهي توزيع اللاعبين بشكل جيد .. بمعني ان اللاعب اللي مش هقدر تستغله استغلاله وزعه علي فرق الدوري ياخد خبرة ويجيلك جاهز زي اي لاعب بتشتريه .. وده اللي كان بيعمله الزمالك الفترات اللي فاتت واللي لازم نرفعله القبعة بصراحة .. الاهلي عمل حاجه جديدة وهي تكوين فريق شبه رديف للنادي الاهلي في الدوري الممتاز وهو فريق الجونة اللي بيضم في صفوفه اكتر من 7 لاعبين من الاهلي يمكن أبرزهم احمد ريان وأحمد حمدي واكرم توفيق ومحمود الجزار .. اللاعيبه دي مش بس مميزة لكن كمان صغيرة في السن لعبهم مع بعض بانتظام في احتكاك قوي زي الدوري الممتاز هيديهم خبرة وانسجام تقدر بعد سنة أو اكتر تجيب احتياجاتك منهم وتقلص احتياجاتك اللي من فرق أخري .. اعارات الاهلي مش في الجونة بس لكن كمان فيه عمار حمدي في الاتحاد وكريم ييحي وعمرو بركات في سموحة وغيرهم الاهلي بدأ تحركات في غاية الذكاء هيظهر مفعولها علي المدي البعيد اكثر من القريب