الأهلي اليوم : أخطاء إدارة الخطيب التي تسبب في أنهيار الأهلي

الأهلي اليوم : بدون أدنى شك يضم أشخاص على أعلى مستوى من الإحترام، شخصيات لا غبار عليها، وعلى رأسهم بيبو معشوق الجماهير، لكن التقييم مالوش علاقة بإنك شخص مؤدب ومحترم ولك تاريخ ، وافقوا على المشاركة في بطولة العرب ملهاش اي 30 لازمة في موسم مزدحم ، من البداية معظم الناس رفضت التعيينات، جمال جبر في الإعلام، عبد الصادق وزيزو في لجنة الكرة، ثم محمد فضل ، فور نجاح المجلس كان حتما ولابد توجيه الشكر لحسام البدري والبحث عن مدير فني أجنبي محترم، قالك بيبو خاف يتقال عليه بيصفي حسابات، طب ماهو اتقال انه من العصابة، ولو هيدير النادي بنظام اصل لو عملت كذا هيقولوا كذا تبقى كارثة، استمرار البدري من أهم اسباب نكسة فريق الكورة، هو اللي اختار القائمة والصفقات وكمان القيد في القائمة الافريقية “مصيبة”.

الأهلي : أخطاء متعددة لإدارة الأهلي

الأهلي اليوم : الصفقات والقطة والجمل، المجلس ده والخطيب بوجه التجديد خاف من مقولة انه بيهتم بالكورة على حساب اعضاء النادي فحب ينفي ده فخرب الدنيا واكتفى بالعاقد مع صفقات بير سلم، احمد علاء ومعرفش مين، بدل ما يتعاقد مع نجوم كبار.

الأهلي اليوم : طبعا مشكلته مع تركي كانت سبب كمان في إنه لا عرف يدعم، ولا عرف يتعاقد مع مدرب كبير واضطر يتعاقد مع كارتيرون اللي اقل كتير من طموحات الأهلي وجماهيره، واحد كان بيدرب دجلة وكل فكرته عن الكورة يدافع امام الفرق الكبيرة، هيدرب فريق بطولات ازاي؟ اه اجتهد شوية ووصلنا نهائي بسبب ضعف المنافسين لكن انكشف جدا في اهم مرحلة.
الأهلي اليوم : فشل لجنة الكرة بسبب كثرة المجاملات

الأهلي اليوم : نرجع تاني للجنة الكرة الفاشلة وعلى رأسها الخطيب، رايح يعين فضل وحسام غالي ومعرفش مين ورفضوا تعيين هيثم عرابي، لأن هم عايزين طرطور مش واحد له شعبية ومش هينفذ تعليماتهم، عايزين واحد يروح يجيب صفقات مضروبة لكن هيثم هيجيب صفقات بجد بس ده هيكلفهم كتير ومش عايزين يدفعوا.

الأهلي اليوم : لاعب اتوقف قبل الماتش بيوم وسكتوا، عقاب جمهور وسكتوا، منع الجمهور من دخول ماتش وفاق سطيف وسكتوا، منع حضور الجمهور كامل العدد في ماتش الترجي وسكتوا، إيقاف أزارو وسكتوا، المدرب يتهان ويتقال عليه متواطئ وسكتوا، الاتوبيس يتعرض للهجوم وإصابة لاعب وسكتوا.. منتهى الإنبطاح والسلبية، مفيش حتى بيان يطلع يقول للكاف عيب، مفيش تهديد بعدم لعب المباراة، مفيش أي حاجة.