رسائل من وحى الإسبوع السادس..

أبوتريكة : كل سنة وإنت طيب يا ساحر يا أمير القلوب ، ربنا ما يحرمنا من لمساتك وإبداعاتك .

الشوط الثانى : مازلنا كمحبى الأهلى نعيش فى حالة قلق وتوتر كلما هل الشوط الثانى !! الله المستعان ..

شريف إكرامى : إحترنا فيك وفى مستواك ، مش عارفين إنت حارس جيد وحظه وحش ؟ ولا حارس سيىء وحظه حلو ؟

حسام عاشور : مهما تغيب ترجع وكأنك بتلعب بإستمرار !! ماشاء الله ، بالفعل لاغنى عنك فى تشكيلة الفريق .

فريق إنبى : موقعكم فى الدورى يبين دور الحظ الذى وقف معكم فى الكأس !!

فهيم عمر : ممكن نعرف منك فى أى بند فى قانون الكرة يمنع إحتساب ضربة جزاء ثانية للفريق ؟!! فهمنا يا فهيم ..

إتحاد الكرة : متى سنرى فى وجوهكم حمرة الخجل ؟ حد يفهمنا إزاى ماتش عقوبة اللعب بدون جماهير تكون متظبطة على مباراة الإسماعيلى وليس على أول مباراة تالية ؟!! بصراحة ما يكفيناش فيكم مصنع باتا كله !!

محمد فاروق : هو إنت بتحسب ضربات جزاء للزمالك وبس !! دا لو كان شحاتة اللى بيحكم مكانش هيحسبها !! إنت أخرك تحكم للكرة النسائية !! بس إنشالله العيدية اللى أخدتها تكون كويسة !!

نادى الزمالك : يجب أن تطلبوا من إتحاد الكرة تعيين ياسر عبدالرؤوف لكل مبارايتكم حتى يتمكن شيكابالا من التسجيل من الفاولات المجانية .

المئوية : المنحوس منحوس !! جايبين نادى من حوارى أسبانيا إسمه أتليتكوا مادريت !! وييجى بدون لاعبين دوليين و ب 17 لاعب !! هى المرحومة مات محروقة ولا ايه !!

إبراهيم المعلم : الآن فقط وعينا وقدرنا دورك فى مئويتنا ، وعرفنا معدن الرجال من معدن شيرين !!

عبدالواحد السيد : يعنى لو روحت المنتخب هتعمل مشاكل علشان هتبقى الحارس التالت وتعملها فيلم !! ولو ما روحتش قاعد تولول وتندب !! طيب نعملك منتخب لوحدك علشان تتبسط !!