إنفراد بالكلمات : النو ر يؤلف "نشيد" تأييدا للسيسى

تنفرد "صوت الأمة" بالنشر بالكلمات بما أصدرة شباب حزب النور نشيدا لتأييد المشير عبد الفتاح السيسي، المرشح لانتخابات رئاسة الجمهورية، بعنوان "حراس صاحيين"، وسريعا ما قام شباب النور بتداوله على مواقع التواصل الاجتماعي.
يذكر أن خالد زيدان أحد منشدي حزب النور هو من قام بتأليف النشيد ونشره على شبكة الانترنيت.
وكلمات النشيد كالتالي:
يا رب ريس بكرة تعين
و المجد يرجع زي سنين
أجب دعاء قلب الملايين
يكون قوي عالأرض أمين
و اليوم رئيس لينا بنختار
السيسي أنسب خدنا قرار
عشان نحقق الاستقرار
و احنا معاه طبعا ناصحين
أملنا و احنا ف حزب النور
نسعد وطن و ننور دور
برحمة ،حب و لين و سرور
على الحدود حراس صاحيين .
يا سيسي مصر أمانة عليك
إيدينا حط معاها إيديك
ننشر أمان و نعمر بيت
و لم شمل المصريين
دي مصر حمل و حمل تقيل
و لو لوحدك مش هتشيل
بعون إلهنا نشد الحيل
و في الصدارة نكون ماسكين
أملنا و احنا ف حزب النور
نسعد وطن و ننور دور
برحمة ،حب و لين و سرور
على الحدود حراس صاحيين .
النجمة رمزنا و اختارناه
مؤسسات الدولة معاه
و كله قال مؤمن بالله .
يحمي البلاد شر التقسيم .
وافقنا خالف قوم نحميها
متستاهلش نقطع فيها
و مين يحب أكيد يفديها
و ده اللي يؤمر بيه الدين
آمالنا عالية ، طموحنا كبير
رجالنا همة ، و بذل كتير
يارب نبقى سبب تغيير
أحسن لكل المصريين
أملنا و احنا ف حزب النور
نسعد وطن و ننور دور
برحمة ،حب و لين و سرور
على الحدود حراس صاحيين .