أسباب زيادة استهلاك البنزين وعلاجها

مين منا مش عايز يوفر في أستهلاك البنزين أكيد طبعا كلنا وخاصة مع أرتفاع السعر يوم ورا التاني هناك أسباب كثيرة سيتم تناولها في هذا المقال.
أولا أسباب شائعة ومنتشرة :
1 -التحرك بالسيارة بسرعة وكذلك الوقوف المفاجيء : فالتحرك بسرعة والوقوف المفاجيء يستهلك بنزين سيارتك بشراهة. والتحرك العنيف يزيد من استهلاك الوقود بمعدل 30% علي الطرق السريعة وحوالي 5 % داخل المدن.
الحل: تبدأ الحركة بهدوء دون عنف وكمان تسيب مسافة بينك وبين العربية اللي قدامك لتجنب الوقوف المفاجيء
2 - زيادة السرعة عن 96 كم/س : من المعروف انة بزيادة السرعة تزداد مع زيادة اتهلاك البنزين وذلك بعد 96 كم فكل زيادة 10 كم يزيد استهلاك البنزيل بمعدل 10 % نظرا لوجود مقاومة من الهواء يجب التغلب عليها .
الحل : اتبع قانون في التأني السلامة وفي العجلة الندامة ياعني حاول تمشي علي السرعة المحددة ومتتجاوزش عشان سلامتك وسلامة جيبك
3 - جعل العربية دايرة في حالة الوقوف : إدارة المحرك يحب بنزين في حالة عدم سير العربية وخاصة في المحراكات الحديثة اللتي تعمل طبعا لنظام الانجكشن .
الحل : أغلق المحرك إذا كنت ستتوقف لاكتر من 7 ثواني
4 - المشاوير القريبة : كتير مبيقوم بتدوير العربية ويروح مشوار جمب بيتوا ودة غلط لان المحرك بيبقي بارد وطبعا بتبقي الكفائة قليلة فابيسحب بنزين كتير .
الحل : خد المشاوير القريبة علي رجلك واهو المشي رياضة اما لوكنت رايح مشاوير بعية شوية يبقي من الابعد فالاقرب .
5 - الأوزان الزئدة : كلما زاد الوزن زاد المجهود وبالتالي زاد استهلاك البنزبن أكثر عشان يعوض المجهود .
الحل : خفف الاووازن اللي ملهاش لازمة .
6 - استخدام التكييف : يزيد استخدام التكييف استهلاك البنزين بمعدل 10 % - 30 % .
الحل : قلل من استخدام التكييف ولكن يفضل استخدامة في حالة السفر بدل من فتح الزجاج السياري لان فتح الزجاج بيستهلك بنزين في حالة السرعات العالية .
7 - ضغط الاطارات : كلما قل ضغط الاطار ريح الكوتش علي الارض وبالتالي يزداد معدل سحب البنزين .
وان كان من المفضل نفخ الاطارات بالنيتروجين وهنتكلم عن موضوع النيتروجين دة بعد كدة .
الحل : يجب ضبط ضغط الاطار علي حسب كاتلوج اسيارة وذلك من فترة للتانية
8 - الطرق الغير ممهدة: الطرق الغير ممهدة بتخلي العفشة تبوظ غير كدة بتخلي كل شوية انت تهدي وبالتالي سحب البنزين يزداد.
الحل : تجنب الطرق دي اللي من الصعب متلاقيهاش في بلدنا المتطورة .
9 - الصيانة الدورية : عمل الصيانة الدورية للعربية مهم جدا .
الحل: تغيير الفتلر الزيت وتنظيف فلتر الهواء و حساس الأكسجين و وفلتر البنزين أيضا من فترة لأخري .
10 - وضع البنزبن بالرقم الأوكتاني الموصي بة : يجب وضع البنزين برقمة المكتوب في الكاتلواج وعدم الزيادة لانه لن شعر بفرق كبير في حالة الزيادة .
11 - مون من محطات سمعتها كويسة .
12 - حاول تثبيت سرعتك علي الطريق السريع.
نصائح هامة جداً:
1- اتبع تقنيه "التزحلق مع التعشيق" ICE-ON coasting , فعندما تمشي بسرعه فوق ال 30 وال RPM فوق 1500 "الارقام تختلف من سيارة لأخري" و تشيل رجلك من علي البنزين والعربيه متعشقه "يعني الفتيس مش متمور" ومش ضاغط دبرياج يعني فيه Engine Braking , هنا العربية بتمشي من غير ولا نقطة بنزين خالص ...ايوا ولا نقطة بنزيين ... وده في كثير من العربيات الجديدة ومنها طبعا الياريس ولكن ليس في العربيات القديمة .
2- طريقة "التزحلق مع التموير" Nice-On Coasting وهي عبارة عن ترك السيارة تسير والفتيس في وضع التموير وعدم الضغط علي البنزين او الدبرياج فهنا استهلاك البنزين يكون قليل جدا جدا وهنا السيارة ستكون اكثر خفه وستقطع مسافه اكبر مقارنة بالاسلوب السابق
3- نظام اضغط واتزحلق Pulse & Glide وطريقته لما تكون ماشي في طريق وهاتمشي علي سرعه 80 مثلا فتروح ضاغط علي البنزين الي ان تصل للسرعه المراده وطبعا الضغط يكون بهدوء "كده نظام الضغط" ثم ترك النزين خالص الي ان تصل لسرعه 60 "كده نظام تزحلق مع تعشيق" , فلو عملت كده يبقي نص الطريق انت مشيته من غير ولا نقطه بنزين يعني هاتمشي الضعف وللعلم النظام ده هايوفر اكثر من تثبيت السرعه.
4- تثبيت الرجل علي بدال البنزينDriving With Load , الطريقه دي مفيده عند صعود كوبري فبدلا من الضغط زياده عند الصعود للحصول علي نفس السرعه واستهلاك اكثر للبنزين قم بتبيت رجلك فقط علي نفس المستوي ستلاحظ بالطبع ان السرعه ستقل ولكنها ستعود ثانيه بمجرد الصعود
5- إركن السيارة بحيث يكون وشها للخارجFace- Out Parking , عشان لما تطلع بالعربيه تطلع علي طول "لتقوم بتسخين العربيه وانت ماشي" دون الحاجة للرجوع للخلف والضغط علي الفرامل لان االسياره وهي بارده تستهلك بنزين اكثر .
6- لا تستخدم مضخم الصوت Amplifier , ا اي اجهزة اضافيه غير الكاسيت لانها تستهلك كهرباء اكثر لان الجهاز بيحمل علي موتور العربيه وبالتالي تستهلك بنزين اكتر
7- إركن في مكان عال Potential Parking , لتقوم بالتحزلق عند بداية المشي بالسياره طبعا والعربيه شغاله.
8- اشتر سيارة موفرة في البنزين , اذا كنت ستقوم بشراء سيارة قريبا فاحرص علي السيارات الموفرة , فلا داعي للسيارات ذات القوة الكبيرة اذا كنت تريد سيارة عائلية ستنقلك انت واسرتك
9- استخدم جهاز مراقبة استهلاك الوقود , فسوف يفيدك لمعرفه افضل وقت سيارتك توفر في الوقود ومن اشهر هذه الاجهزه هو ScanGauge
10- اخيرا في كلام ان تغييرنوع الزيت لزيت تخليقي يقلل من استهلاك البنزين لانه اكثر لزوجه ويقلل من احتكاك اجزاء الموتور وايضا ماركة الزيت من شركة يفرق في استهلاك البنزين من شركة آخري "موبيل , شل ...." , كذلك تغيير نوع فلتر الهواء يؤثر علي استهلاك البنزين
أخر معلومة أحب أقولها عشان تعرف العربية بتستهلك بنزين ولا لا أو بتستخدم بنزين أد اية متقسهاش داخل المدينة ولكن قسها علي الطريق السريع ياعني مثلا لو انت مسافر مسافة 200 كيلو مون العربية وفولها وبعد السفر شوفها خدت اد اية بنزين وبكدة تكون عرفت معدل استهلاك بنزينها قد اية.