شرين عبد الوهاب في صاحبة السعادة ... "أنا كنت بعاقب نفسي.. غلطت في اسمى ومكانتي وقدري"

بإطلالة جذابة ومتألقة ظهرت النجمة شيرين عبد الوهاب مع صاحبة السعادة فى أول لقاء تليفزيونى لها بعد ازمتها الاخير بسبب انفصالها وحلق شعرها وهو البرنامج الذى تقدمه الإعلامية والفنانة إسعاد يونس على شاشة dmc،لتتصدر شرين عبد الوهاب التريند من جديد لظهورها الخاص ليلة رأس السنة.
شيرين عبد الوهاب واسعاد
شيرين وصاحبة السعادة

تصريحات شرين عبد الوهاب
الكثير من التفاصيل عن حياتها الخاصة وما مرت به مؤخرا كشفت عنه الفنانة شيرين عبد الوهاب خلال الحلقة مؤكده أنها لم تلجأ إلى حلاقة شعرها نتيجة مرض نفسي.
وحول سبب حلاقة شعرها، قالت شيرين عبد الوهاب: "لم يكن أمامي غير كده، أنا حاسة أن دماغي بتفرز أفكار طول الوقت ولو سبت دماغي هتاكلنى، وأنا عملت كده لأنى ما كنتش حلوة في عينيه، عملت كده علشان هو ما يشوفنيش حلوة، والفرق بين حلاقة الشعر والطلاق يوم واحد، حلقت شعري قبل يوم واحد من الطلاق ودي مش أول مرة أقص شعري، فاكر لما قولت إنى طالعة علشان أضحك الناس وقالوا عليا إنى كنت بتريق على البلد، كنت مدبوحة ودبحونى أكتر وقتها".
واضافت "الإنسان الحساس بزيادة ممكن يؤذي نفسه علشان يعاقب نفسه وأنا كنت بعاقب نفسي، أنا غلطت في اسمى ومكانتي وقدري"
شرين عبد الوهاب
واستطرد شرين عبد الوهاب قائلة "محاربات مرضى السرطان أبلغوني أنهم مش مكسوفين من شكلهم فأنا محنتي جت أمل بالنسبالهم.. فعايزة أقولهم إحنا لا نقل أنوثة." واضافت "كنت خايفة على بناتى أول مايشوفنى يتعقدوا بس هما مكحرتين وبيفهموا"
اغاني شرين عبد الوهاب
اشارت شرين عبد الوهاب عن ان أغنية سيدنا القماص هى التى تعبر عن حالتى حاليا ، لتقوم بغنائها اكثر من مرة كما غنت ايضا أغنية "بانوا بانوا بانوا على أصلكوا بانوا" للفنانة الراحلة سعاد حسني
كما كانت أغنية "بتوحشني" من الاغاني المفضلة لها والتي غنتها في الحلقة وعلقت عليها "هيفضل واحشني لغاية امتى طيب؟"، وهي من كلمات نصر محروس وألحان رياض الهمشري.
صاحبة السعادة
كما غنت شيرين "كدة يا قلبي" وقالت: "نفسي أبطل الدموع والنوم، أنا بنام كتير، ممكن يكون حسد ولا طاقة سلبية على شوية عفاريت مصاحباهم في البيت".

عفاريت شرين عبد الوهاب
تفاصيل مثيرة روتها النجمة شيرين عبد الوهاب خلال حديثها عن العفاريت التي تسكن منزلها فقالت "الحاجة تبقى قصاد عيني كدة وفجأة تبقى مش موجودة، فابتدى أرحب بيهم وأجيبلوهم حاجة يشربوها، والحاجة تظهر على طول، وبيحبوا أدلعهم علشان الحاجة تظهر".
وأضافت "أوقات أسمع حاجة بتناديني، برد السلام وأقول أيوة حاضر أنا جاية أهو، أنا مش بخاف، ومش بروح، برد السلام عليهم بس".
شيرين وبناتها
لحظات عفوية جمعت شرين عبد الوهاب ببناتها مريم وهنا خلال ظهورهما الاول معها حيث أصرت شيرين على قياس طولها مع ابنتيها مريم وهنا ، لتكتشف أنهما أطول منها: "الاتنين بقوا أطول منى، أنا مقاس رجلى زاد نمرة بعد ما خلفتهم الاتنين"
بنات شرين
ووجهت مريم رسالة لوالدتها شيرين وقالت :"فخورة بيكي عشان أنت عندك أحسن قلب وبتشتغلي كتير قوي وأنا بحب شغلك".
بينما علقت هنا: "لازم تسيبي السرير ده وتروحي تشتغلي شوية، وتلعبي رياضة عشان إحنا حياتنا نايمة في السرير".
اطلاله شرين عبد الوهاب
أختارت الفنانة شيرين عبد الوهاب الفضي اللامع للظهور به في اول ظهور لها بعد أزمة انفصالها عن الفنان حسام حبيب
وجاءت إطلالة شيرين عبد الوهاب من تصميم العلامة التجارية Paco Rabanne، ويصل سعره إلى 2145 دولار أي ما يعادل 33 ألف جنيه مصري.
فستان شرين



للاطلاع على أبرز وأهم الأخبار والأحداث يرجى الاشتراك بالصفحة الرسمية لموقع صوت الأمة.. أضغط هنا