مكالمة هاتفية للإخواني أسامة عمر تكشف خطة استهداف القضاة بسيارات مفخخة

أذاع خالد أبو بكر مقدم برنامج الحياة اليوم منذ قليل تسريباً صوتياً منذ قليل ، فضح مخططات الإخوان لاستهداف سيارات القضاة، ودارت المكالمة بين الإخوانى أسامة عمر وأخر من تابعيهم يعترفون بشعورهم بالإحباط نتيجة فشل مخططاتهم فى إحداث الفوضى، وتفضح المكالمة مخططاتهم لإشاعة الفوضى فى مصر واستهداف سيارات القضاة.

ووصف الإخوانى أسامة عمر، خلال التسريب الشعب المصرى بأن 95 % منهم بهايم ، كما تطرق الإخوانيين بالمكالمة إلي تجهيز عمليات استهداف رجال القضاء ، وجاء فى التسريب، "مسئول لجان الحراك: لينا زمايل قالولنا ان فيه ناس قالتلهم شوفولكم سكة واهربوا عن طريق السودان، وان دى أوامر من الناس الكبيرة، وان كل واحد يجهز حاله ويلم عزاله عشان يهرب عن طريق السودان، ف انا قولتلو انت جبت الكلام دا منين، قالوا فى ناس قالت لينا واحنا بنجهز حالنا ونمشى فاقولتلو..
الإخوانى أسامة عمر: يمشوا يروحوا فين؟
مسئول لجان الحراك: يمشور يروحوا السودان
الإخوانى أسامة عمر: يعملوا ايه فى السودان
مسئول لجان الحراك: مفيش فى مركب، بيقولوا هناك أمان واحسن من هنا وكل الناس تخرج وتروح السودان
الإخوانى أسامة عمر: مصر صحيح مافيهاش امان بس هيعملوا ايه فى السودان؟ فكرة غير صائبة إلا إذا كان حد مهدد يروح أى حته
مسئول لجان الحراك: يعنى اللى عندو تهديد بس اللى يخرج
الإخوانى أسامة عمر: هناك فى السودان مش سهل زى ما انت متخيل يعنى.. الإخوان طلعوا زبالة، طلعوا خونة وضحكوا علينا، ماعملوش حاجة والخراب دا هما السبب فيه".
مسئول لجان الحراك: فيه حاجة تانية قبل كدا كنت عايز أكلمك فيها
الإخوانى أسامة عمر: كمل
مسئول لجان الحراك: احنا عندنا يعنى.. الإحباط سيد الموقف.. يعنى احنا محبطين.. احنا محاصرين مممم
الإخوانى أسامة عمر: لاء ما فيش حاجة دلوقتى وكل واحد بقى يعنى شايف الصح يعملوا مع نفسه
مسئول لجان الحراك: طيب هوا حضرتك بس فى مشكلة.. هوا مافيش حاجة هتحصل ترفع معنوياتنا شوية؟
الإخوانى أسامة عمر: لاء
مسئول لجان الحراك: ما فيش حد هيعمل حساب الناس اللى هيا متحاصرة دلوقتى والكلام دا؟
الإخوانى أسامة عمر: ولا أى حد عمل حاجة خالص
مسئول لجان الحراك: طيب فى دعواات؟
الإخوانى أسامة عمر: كللله فكس.. فركش كله
مسئول لجان الحراك: فى دعوات نزول ليوم 20 .. احنا فيها ولا احنا براها ولا احتا جواها ولا ايه القصة
الإخوانى أسامة عمر: طب ليه طيب هتنزلوا تعملوا ايه يوم 20
مسئول لجان الحراك: فى ناس بتقول هننزل يوم 20 علشان نمشى الانقلابى
الإخوانى أسامة عمر: اااه يا سلااام.. امشى هيروح ماشى على طول.. لا احنا ضيعنا كل الفرص. زى واحد ضيع كل حاجة وبيلعب فى الوقت الضايع
مسئول لجان الحراك: بالنسبة للرجالة الكبيرة سواء اللى بره او اللى جوه هما هايسيبوا الناس كده
الإخوانى أسامة عمر: مفيش كده الإخوان فيهم شوية زبالة.. كل واحد يشوف مصالحه، على العموم مافيش أى حاجة هتحصل واخد بالك، غير كدا تهريج كله، عايز بقى الناس تصحى، الناس عمرها ما هتصحى ، الناس أصلا عبارة بتتعامل مع شعب 95 % منه بهايم، واخد بالك مش أكتر من كدا، هتعمل ايه معاهم
مسئول لجان الحراك: السؤال مفيش حاجة هيعملوها
الإخوانى أسامة عمر: يعلم الله مفيش حاجة ما تعملش أى حاجة وحافظ على نفسك
مسئول لجان الحراك: اللى عايز يعمل حاجة يعمل حاجة صغيرة كدا وانت عارف ازاى مع نفسه، اتنين تلاته مع نفسك متحكيش أى حاجة هنا
الإخوانى أسامة عمر: مننزلش
مسئول لجان الحراك: طب انت عارف أبو عبيدة راح فين؟
الإخوانى أسامة عمر: راح فين
مسئول لجان الحراك: انت كنت اتكلمت معاه
الإخوانى أسامة عمر: طبعا
مسئول لجان الحراك: قالك ايه.. اخر مرة اتكلمت معاه امتى؟
الإخوانى أسامة عمر: اخر مرة اتكلمت معاه قالى جهز نفسك عشان ان شاء الله عندنا شغل
مسئول لجان الحراك: وبعدين
الإخوانى أسامة عمر: بيجهزلى مكان عشان نعمل شغل تحت عربيات بتاعة ناس قضاة