شايب وعايب

قولو له الحقيقة صفات مش بريئة
بتكشف طباعه في ثانية ودقيقة
يفاخر بنفسه في يومه وأمسه
ويقلب تاريخه وكذبه مآنسه
صاروخ في النميمة ولا يراعي قيمة
لصاحبه اللي آمنه أو اخته الكريمة
وشايب وعايب ويحدف مصايب
وله كل لحظة من الشر نايب
يصوم أو يصلي ويحقد تملي
تيجي ازاي؟ باقول له: يقول دا فاضل لي!
ولا يطيق صراحة ولا يشوفها راحه
ملاوع وبينَّا وبينه مساحة
وبدعي واقول له: سيب الحقد كله
تلاقي نفوسنا تسامحك.. أقلُّه
وأكرر دعائي لربي اللي باقي
ويحسن ختامنا في يوم التلاقي