تورط مذيعة بالتلفزيون المصري في النصب على مواطنين بسبب «الكلاب»

اتهم أحد المواطنينن يدعى «كريم عامر» عبر حسابه الشخصى بموقع التواصل الاجتماعى « فيسبوك»، احد مذيعات القناة الاولى بالتلفزيون المصرى، وصاحبة مزرعة كلاب سامويد تدعى « شيرين الدميرى» ، بتورطها فى النصب عليه بعد ان حاول شراء كلب بفلوسه وهو ما قابلته الاخيرة بالسب له ولوالده، متهما إياها بالنصب عليه ، قائلاً:«نصيحة مني لاي حد عايز يشتري حاجة من مزارع كلاب متشتريش من اي حتة من غير متسال عليها كويس وبذات المزرعة دي فكر 1000 الف مرة قبل ماتشتري منها، انا واحد ولا ليا اي علاقة بالتجارة ولا الكلاب ولا المزارع ، كل الحكايا اني اتهزقت واتشتمت انا وابويا باقذر الكلام من واحدة المفروض مذيعة محترمة في القناة الاولي بتتحامه لتجار مزارع تانية عشان بينصبو علي الناس وشتايمها ليا ولوالدي موجودا في الصور اسمها &Shereen Eldemery وتاجرة في الكلاب واتنصب علينا لمجرد اني عايز اشتري كلب بفلوسي الي اشتغلت وانا طالب عشان اقدر اجبهم، للي مايعرفش مين Shady Shaker».
وتابع:«المفروض انه يقال عليه عنده مزرعة اسمها Egyptian Kennel Club في عرابي علي كلامه انما علي شكلها تتسمي اوضة غفير عبارة عن صالة واوضة من غير سقف مفيش نجيلة نهائي والمفروض من اساسيات مزارع الكلاب انها تكون علي الاقل فيها نجيلة عشان الكلاب عظمها يطلع صح ،لجأت اني عايز اربي كلب هاسكي وبفلوسي انا مختش فلوس من حد واشتغلت وشقيت عشان اجيب فلوسه "يعني مش والدي هو الجابهولي».
واستطرد قائلاً:«لقيت كذا مزرعة من ضمنهم رومل وشادي ودول اصحاب مزرعتين في عرابي وكلمت في الاول رومل وفي الاخر معجبنيش اسعاره وشوفت بعديه شادي وقالي عندي نتاية ووراني فيديو وصور ليها واخت منه معاد وروحتله انا ووالدي وشوفت المزرعة بتاعته وجابلي الكلب وقالي ان الكلب فوق الممتاز وطبعا وبعد كده سالته علي التطعيمات وقالنا انها واخداها كلها واداني الشهادة بس انا عشان مبفهمش في الشهادات قولت هبقي اسال عليها دكتور بيطري، وقبل ماروح لقيت محل بتاع حيوانات وجواه دكتور بيطري وسئلت علي الشهادة قالي (( الكلب مش واخد التطعيمات الاساسية غير تطعيم واحد))طبعا اتصدمت، ولما روحت البيت لقيتها من اول مادخلت من باب البيت وهي مقضياها اسهال ورحته وحشة جدا وعملِت في اليوم دا كم غير متوقع من الاسهالات #وفيها_دم "يعني فيها مرض البارفو) افتكرت انه قالي حميها لما تروح مع اني جايبها من مزرعة ومزرعة يعني #نضافة ، حميتها و وانا بحميها لقيت كمية من الحشرات فيها واحجام مختلفة انا اتصدمت من المنظر وقولت دي لو كانت متربية في الزبالة مكنش كل دا هيبقي موجود فيها ، وكلمته في التليفون وقولتله علي الاسهال والحشرات قالي اديها امبول وقرص الديدان، اديتلها الاتنين ولاقيت بعض الحشرات الصغيرة بس بتنزل منها بمنظر مش طبيعي وهي طبعا عشان كانت نايمة جانبي فاتفزعت ونزلتها،وتاني يوم لاقيتها عينيها مليانا عماص اخضر والعماص الاخضر بيبقي بسبب ان في ديدان في البطن ».