رامى صبرى : هؤلاء ساعدونى فى بداية حياتى

إستعاد المطرب رامى صبرى ذذكرياته مع أول ألبوماته «حبيبى الأولانى»، والذى طرح عام 2006، ووجه «صبرى» لعدد من الملحنين والمخرجين والموزعين ممن وقفوا بجانبه فى ألبومه الأول أبرزهم المخرج طارق العريان والموزع طارق توكل والضشعر وائل توفيق و الشاعر عمر طاهروالشاعر أحمد على موسى.
وكتب«رامى» عبر حسابه الشخصى بموقع«فيسبوك»، قائلاً:« نزلي اول البوم ليا ( حبيبي الاولاني ) انا فاكر اليوم ده .. ده من احلي ايام حياتي .. انك تبقي ماشي فالشارع وتسمع اول البوم ليك ومحدش عرفك لسا ولا يعرف حتي اسمك ،، مجهود وتعب سنيين كتير عشان البوم حبيبي الاولاني يطلع بالشكل ده ، في ناس كتير بتقول انه احسن البوم انا عملته ،، بس انا بقول ان كل البوم وليه شكله وحالته الخاصه بيه .
وتابع، في ناس وقفت جمبي كتير فالالبوم ده وفي ناس كتير بردو موقفتش جمبي ، طارق العريان اول الناس اللي وقفو جمبي ساعتها اخرجلي 3 كليبات ونزلو مع بعض وده ساعد في نجاح الالبوم وانتشاره بسرعه كبيره وكانت فكره ال 3 كليبات فكره جديده وناس كتيره بعد كده عملت ذيها فا شكرا طارق العريان ،،، من الناس اللي وقفت جمبي بردو صديقي الموزع الكبير طارق توكل ده اول واحد وقف جمبي شكرا طارق توكل ،،،، صديقي الشاعر وائل توفيق بردو وقف جمبي ساعتها وعمللي احلي اغاني عمري ( الف ماشالله .. مش انا .. فرجت الناس عليا ) شكرا وائل توفيق ،،،، صديقي الشاعر العبقري عمر طاهر بردو وقف جمبي وعملي احلي اغنيه حياتي وتمثلني ( حبيبي الاولاني، سكتي ليه ) شكرا عمر طاهر ،،،،، صديقي الشاعر احمد علي موسي بردو وقف معانا وعملي احلي اغاني الدراما فالالبوم (لما انت بتعمل كده فيا ،، لا يا قلبي ) كل الاغاني دي خدت مننا والله مجهود بضمير كامل مالوش مقابل عشان كده الاغاني ده وبعد 10 سنيين ولسه عايشه وهتعيش مع الناس .
وتابع، اخيرا بشكر الجمهور اللي قدر الشغل ده ،، وبشكر الاستاذ المنتج الكبير محسن جابر علي نزول الالبوم معاه في هذا الوقت علي قناه مزيكا».