«شادي» ردا على «أبلة فاهيتا»: «انتي مش من خصومي علشان أزعل منك»

أعرب شادي أبو زيد، عضو فريق عمل برنامج «لايف من الدوبلكس»، عن تقديره لاعتذار صفحة «أبلة فاهيتا»، مؤكدًا أنها لم تكن أبدا من خصومه، على حد تعبيره.
وقال «أبوزيد»، عبر صفحته على «فيسبوك»، «عزيزتي أبلة فاهيتا.. انتي مش من خصومي علشان أزعل منك أو أسامحك.. خصومي هم اللي خلوا خوفك يجبرك تقولي كلام غير طبيعتك اللي أنا متعود عليها.. خصومي حطولك سقف على برنامجك ومانعينك تسخري من حاجات كتير كان نفسك تقوليها وقصقصوا في تقاريري لما كنت معاكي».
وتابع: «خصومي اللي وقفوا برنامج باسم يوسف، ومنعونا حتى نضحك على بلاوينا.. خصومي حكموا ب3 سنين سجن عسكري على صديقي عمرو نوهان، بسبب صورة ساخرة.. خصومي خطفوا مصطفى ماصوني، وغيره كتير ومش عارفين مكانهم ولا عارفين هم عايشين ولا أموات.. خصومي بيتهموا أي حد مختلف عنهم ليل نهار على التلفزيون بالعمالة والخيانة وبيحرضوا على قتلنا وسجننا.. خصومي بيهددوا الفنان أحمد مالك، -رغم اعتذاره- بعدم الظهور مجددًا لاستكمال مشواره الفني بمجرد مشاركته معي في الفيديو الساخر، وبيهددوني إنهم هيأذوني أنا وأهلي».
واختتم «أبوزيد»، حديثه موجها رسالة إلى «أبلة فاهيتا»، قائلا: «عزيزتي أبلة فاهيتا خصومي ضعاف وتافهين قوي.. وبيتقمصوا من الهزار وكيانهم بيتهز من كوميكس أو فيديو 120 ثانية.. فا إشطة يعني الموضوع ميستحقش الاعتذار».
كانت «أبلة فاهيتا»، مقدمة برنامج «لايف من الدوبلكس» قد أصدرت بيانا اليوم، تراجعت فيه عن اعتذارها عن الفيديو المسيئ الذي صوره الشابين شادي أبوزيد وأحمد مالك، قائلة: «بياني عن أزمة شادي حسين، كان صدمة لي قبل أن يكون صدمة لكم».
بخصوص بيان اعتذار أبلة فاهيتا :-عزيزتي أبلة فاهيتاانتي مش من خصومي علشان أزعل منك أو أسامحك…خصومي هم اللي خلوا خوفك ...
Posted by Shady H. AbuZaid on Friday, February 5, 2016