فيديو.. ريم ماجد: المصريين عند الحكومة «إخوان وفقوس»

هاجمت الإعلامية ريم ماجد، موقف الحكومة «الصامت» تجاه المعتقلين المصريين في البلاد العربية، رغم اهتمامها القوي بالمعتقلين في دولة الإمارات «الشقيقة»، والذين يبلغ عددهم 11 فردا.

وقالت ريم ماجد، في برنامجها «بلدنا بالمصري» على قناة «أون تي في»، أمس الثلاثاء: «عشان تبقى الأمور واضحة، ومحدش يزايد أو يقول تلت التلاتة كام.. إحنا ما عندناش خيار وفقوس، وعندنا كل المصريين واحد، وبالتالي أعلننا من أول يوم رفضنا لاعتقالهم بالطريقة اللي تم اعتقالهم بيها، وطالبنا بالكشف عن أماكن احتجازهم، وطالبنا بمحاكمتهم محاكمة عادلة، وتوفير كل ضماناتها، وتضامننا معاهم ومازلنا كعادتنا».

وأعربت ريم عن استياءها من تفاوض الحكومة للإفراج عن 11 معتقلا ينتمون لجماعة الإخوان، و تجاهلها ل350 معتقلا مصريا في السجون الإماراتية ذاتها، وقالت: «اهتمت الحكومة ب11 مصري لدرجة إرسال وفود على أعلى مستوى للتفاوض مع السلطات الإماراتية للإفراج عنهم، ودي حاجة تشرح القلب، لكن اللي يجيب الغم ومش مفهوم.. أو مفهوم بس مش مقبول، هو إن الحكومة يبقى عندها إخوان وفقوس.. فتروح تتفاوض للإفراج عن 11 معتقل بينتموا للإخوان المسلمين، وتصهين وتتجاهل تماماً إن فيه 350 معتقل مصري تاني في السجون الاماراتية ماحدش جابلهم سيرة، ولا كأنهم موجودين أو ولا كأنهم مصريين».