عمرو أديب للأهلاوية بعد الفوز بالسوبر: أوعى تفتكر إنك كنت عظيم.. البطولات كلها محسومة للأهلي

تساءل الإعلامي عمرو أديب، عن جدوى المنافسة في الكرة المصرية بعد هزيمة نادي الزمالك أمام الأهلي بكأس السوبر بهدفين نظيفين، محذرًا من أنه «لو استمر الأمر كذلك، مفيش أي طعم لبطولة».
وقال خلال برنامج «الحكاية» مساء الأحد: «إيه البطولات اللي محسومة كلها للأهلي؟ هل فيه نادي بياخد كل البطولات ويكسب كل الماتشات!».
وانتقد العنف المفرط من جانب لاعبي الأهلي ضد نادي الزمالك، قائلا: «إيه كمية الضرب اللي إحنا اضربناه النهاردة دي؟ اللعيبة كانت بتتداس النهاردة».
واستنكر تجاهل طاقم التحكيم وعدم توفير الحماية للاعبي الزمالك، معلقا: «إحنا اضربنا ضرب، ومفيش حماية.. الأهلي كان عنيفًا جدًا ومحدش بيحمي حد»، معتبرا أن المباريات تُسكتمل بهذا الشكل لأن «غالبية المؤثرين أهلاوية».
وقلل من قيمة فوز الأهلي، موجهًا رسالة لجماهيره: «أوعى كأهلاوي تفتكر إنك كنت عظيم النهاردة»، مشيرا إلى أن المباراة أثبتت فقط أن «الزمالك غلبان».
وتساءل عن اللاعب الأبرز في صفوف الأهلي، قائلا: «مين في الأهلي النهاردة مهم؟ جائز يكون ديانج!».
وعزا خسائر الزمالك أمام الأهلي إلى الفوارق المالية الهائلة بين الناديين، قائلا: «وقت ما كانت الدولارات مش موجودة في البلد؛ كان الأهلي عنده دولارات يدفع لمدربه، عنده قدرات غير عادية، أما الزمالك ما يقدرش».