فيديو.. حسام حبيب يعتذر من شيرين: يا حبيبة قلبي أشوفك ديما ناجحة ومكسرة الدنيا

اعتذر الفنان حسام حبيب، من الفنانة شيرين عبد الوهاب، وذلك بعد الخلافات التي نشبت بينهما مؤخرًا وأدت إلى طلاقهما.
وأكد خلال تصريحات لبرنامج «ET بالعربي»، اليوم الاثنين، أن علاقته بشيرين جيدة للغاية، قائلًا إنها فنانة عظيمة وكبيرة وصوت الوطن العربي.
وأضاف: «علاقتي بشيرين زي الفل، ولا في أي حاجة، يعني الإخوات بيتخانقوا والأصحاب بيتخانقوا، وإحنا والله العظيم اللي بيننا لو الناس عرفت خناقاتنا كلها تضحّك وكلها حاجات بسيطة».
وواصل: «شيرين فنانة عظيمة وكبيرة وصوت الوطن العربي، مش صوت مصر بس، وأنا بعتذر لها لو كنت قلت لها أي حاجة في يوم من الأيام تضايقها في وقت زعل».
وقال إنه يعتبر شيرين نجمته المفضلة لأنه أحد معجبيها، مضيفًا: «شيرين صوت عبقري ميتعوضش، مفيش حد يملى مكانه، فبقول لها يا حبيبة قلبي أشوفك ديمًا ناجحة ومكسرة الدنيا، وعايز أقول للناس إن مفيش بيني وبينها أي نوع من أنواع المشاكل خالص».
وعلق على الأزمة الأخيرة التي تعرضت لها الفنانة خلال مهرجان موازين، مؤكدًا أن شيرين من أكثر الفنانات احترامًا لجمهورها.
واستطرد: «كلنا ساعات مبنبقاش في كامل لياقتنا، لكن شيرين بتحب جمهورها أكتر من أي حد في الدنيا وبتعتبره أهلها، أنا ساعات كنت بغير من جمهورها»، بحسب وصفه.
واختتم كلامه موجهًا حديثه لشيرين: «يا شيرين يا حبيبة قلبي إنتي واحدة علمتينا كلنا يعني إيه إصرار، يعني إيه حد محب للفن وجمهوره، وزي ما إنتي معودانا ديمًا شايفينك كده، وكلنا بنتعلم منك رغم صغر سنك».
لمشاهدة الفيديو من هنا.