حمزة علاء يوجه رسالة لجماهير الأهلي قبل الإعلان عن وجهته الجديدة

حرص حمزة علاء، حارس مرمى الفريق الأول بالنادي الأهلي السابق على توجيه رسالة لجماهير الأحمر، وذلك قبل أيام من الإعلان عن وجهته الجديدة.
وكتب حمزة علاء عبر حسابه الرسمي على موقع التواصل الاجتماعي انستجرام: "أكيد الكلام جاي متأخر وعشان كده حابب أعتذر، من حوالي شهر أخدت أصعب قرار في حياتي، وهو إني أسيب بيتي بعد 16 سنة من عمري قضيتهم في النادي الأهلي".
وأضاف: "قرار المغادرة كان صعب لكن كان لازم أن أفكر في مستقبلي.. يمكن الفرصة مجتش زي ما كنت أتمنى بس كل حاجة بتحصل بيبقي ربنا كاتبها ورب الخير لا يأتي إلا بالخير، لجمهور النادي الأهلي العظيم محبتكم وشكركم عمرهم ما كانوا مرتبطين بعدد الدقايق اللي لعبتها دايما كنتوا سند في كل لحظة".
وتابع: "في كل بطولة، حسيت معاكم إني أحسن حارس في العالم، وأنا بلعب في بطولة إفريقيا والأولمبياد، كل اللي طلبته، إنكم تفضلوا فاكرين إني كنت واحد منكم، وإبن من أبناء النادي الأهلي".
وأكمل: "لإدارة النادي بقيادته الكابتن محمود الخطيب، شكرًا على كل لحظة حسيت فيها إني جزء من الكيان.. ولزمايلي إنتوا إخواتي وعيلتي اللي عمري ما هنسي أيامها وبتمني ليكم كل التوفيق والنجاح".
وواصل: "لكل مدرب اتمرنت معاه داخل النادي الأهلي، شكرًا من كل قلبي على كل لحظة دعمتوني فيها أو علمتوني فيها حاجة، ولكل عامل تشرفت بالشغل معاه انتم عارفين معزتكم عندي".
وأتم حمزة علاء تصريحاته قائلًا: "ولشعب الأهلي هفضل دائمًا مشجع للكيان من قلب التالتة شمال ويا رب أرفع راسكم وأكون عند حسن ظنكم في خطوتي الجايه وتكونوا دائمًا في ضهري وسند ليا زي ما طول عمركم عودتوني.. اشوف وشكم علي خير.. ابنكم حمزة علاء".