تراجع أسعار الدواجن والبيض في دمياط.. ومواطنون: نأمل ألا يكون مؤقتنا

شهدت أسعار الدواجن في محافظة دمياط، انخفاضا ملحوظا في الأسواق المحلية بنحو 7 إلى 9 جنيهات في سعر كيلو الدواجن البيضاء.
وحسب البورصة في محافظة دمياط، تراوحت أسعار الدواجن البيضاء في المزرعة، مابين 70 و73 جنيهًا للكيلو، وللمستهلك في المحلات يتراوح السعر بين 80 إلى 86 جنيهًا للكيلو بتقطيعه وتنظيفه.
وبلغت أسعار الدواجن الساسو في المزارع حوالي 71 جنيهًا للكيلو، وللمستهلك يتراوح السعر بين 75 و85 جنيهًا للكيلو.
ووصل سعر كرتونة البيض الأبيض، بين 115 و125 جنيهًا، والبيض البلدي تراوح سعر الكرتونة بين 120 و130 جنيهًا.
وفي جولة ل «الشروق» داخل عدد من الأسواق بمحافظة دمياط، تفاوت آراء المواطنين بين الترحيب الحذر والتخوف من عودة الارتفاع مجددًا.
أمنية كمال، ربة منزل من قرية الشعراء، قالت: "الحمد لله الأسعار نزلت شوية، كنا مش بنقدر نشتري فراخ إلا كل فين وفين، دلوقتي نقدر نجيب 2 كيلو وجنبهم شوية خضار وناكلهم على يومين".
وأشار مصطفى القطان، موظف على المعاش، إلى أن الانخفاض ما زال غير كافٍ، قائلًا: «يعني صحيح نزلت شوية، بس برضه كيلو الفراخ ب80 أو 85 كتير، كنا بنشتريه ب40 و50 جنيها من سنة واحدة».
وقالت مديحة العوادلي، ربة منزل: «أنا شايفة إن الأسعار لسه مش مستقرة، النهاردة نزلت، بكرة ممكن تعلى تاني، وده اللي بيخلينا مش نقدر نخطط لمصاريف الأكل».
محمود توفيق، صاحب مطعم صغير، أكد أن التراجع الأخير ساعده في توفير جزء من التكاليف، قائلًا: «كنا بندفع كتير على الفراخ، دلوقتي بقت متاحة أكتر وده كويس، بس نتمنى الاستقرار مش بس نزول مؤقت».
وذكرت هالة فاروق، مدرسة: «البيض كمان غالي جدًا، يعني كرتونة البيض ب120 أو 125 ده مش منطقي، إحنا بنشتري أقل ونحاول نوفر».
وقال محمد البسيوني أحد تجار الدواجن بدمياط، ل «الشروق»، إن أسواق محافظة دمياط شهدت صباح اليوم استقرارا في الأسعار، حيث وصل سعر الفراخ البيضاء في البورصة 81 إلى 86 جنيهًا للكيلو، واستقرت أسعار الدواجن البلدي اليوم، في بورصة الدواجن عند 119 جنيهًا للكيلو.