سلاف فواخرجي تسخر من وثيقة متداولة تزعم زواجها من بشار الأسد: عملناها على الضيق

سخرت الفنانة السورية سلاف فواخرجي، من وثيقة زواج متداولة عبر وسائل التواصل الاجتماعي تزعم زواجها من الرئيس السوري السابق بشار الأشد.
علقت سلاف على الوثيقة المتداولة على مواقع التواصل قائلة: "لا تؤاخذونا، عملناها على الضيق، ما عزمنا حدا".
وأضافت، في منشور على صفحتها الرسمية بفيسبوك: "قسما بالله شيء بيضحك، أنا عادة جديّة على فكرة بس والله ما قدرت، هل تستطيعون أن تكونوا نبلاء لمرة واحدة على الأقل؟ هل تستطيعون أن تناقشوا أفكارًا دون الطعن بالشرف؟، الذي لا يتوقف عنده إلا كل من لديه عقدة فيه، هل تستطيعون أن تخرجوا عقولكم خارج غرف النوم؟ وتعبتوا واجتهدتوا كملوا للآخر… لسه بدكن فت خبز منيح".
وأكملت: "يلا معلش مرة بعد مرة وثيقة بعد وثيقة.. بتنجحوا! المرة الماضية غلطتوا بإحدى وثائق الزواج اللي شفناها بخانة الطائفة ونحنا بسوريا ما كان عنا خانة الطائفة، (ما بعرف هلا إذا صارت)، واضحكوا عليكم الناس، بس معلش.. تعلمتوا.. واليوم تلت غلطات بحالهم!، مع أنو القصة مو صعبة إنكم تطالعوا بيان قيد عادي جدا وسهل!".
وأوضحت: "ولادتي بالأوراق الرسمية بعد تلت أيام من ولادتي يعني ب1.8.1977 يوم عيد الجيش السوري واللبناني، وبابا الله يرحمه اسمه، محمد ومو محمد سليم، وخانتي بمشروع صليبة والخانة 65 وبشوف حالي فيها، وكل الحب لأهلنا بالسكنتوري".
وأضافت: "أنا من كل اللاذقية ومن كل سوريا، مشان إذا بدكن تعدلوا يا نوابغ يا جهابذة، لأنو يعتبر العقد باطل هيك والعياذ بالله!، غير هيك والأهم وين ورقة الطلاق؟!، هي البيانات صارت عندكم.. يللي بتخافوا الله!".
واختتمت: "أنا لم أطلق ولن أطلق إذا ربنا أراد، والله يحميلي زوجي وعيلتي ويحمي كل الناس، عيب، وتفه، وبس ديروا بالكم عالبلد والناس أحق بالاهتمام مني، ولا شو؟".
جدير بالذكر أن نقابة الفنانين بسوريا شطبت عضوية سلاف فواخرجي المقيمة بمصر منذ الإطاحة بنظام بشار الأسد، لدعمها السابق له، وهو القرار الذي قوبل باستياء كبير من قبل عدد من الفنانين المصريين في مقدمتهم الفنانة وفاء عامر التي رحبت بوجودها في مصر، وباشتراكها في أعمال مصرية.