مترجم كولر يلمح لرفض مدرب الأهلي إغراءات الرحيل

ألمح خالد الجوادي، مترجم المدرب السويسري مارسيل كولر، مدرب الأهلي، لرفضه الرحيل عن القلعة الحمراء خلال الفترة الحالية.
وارتبط اسم كولر بالرحيل عن الأهلي بعدما تلقى عرضًا من الشباب والهلال السعودي خلال الفترة الحالية.
وكتب مترجم كولر عبر حسابه الشخصي على موقع التواصل الاجتماعي فيسبوك: "بعد ماتش امبارح بدأ الجمهور يهتف لكولر قلت له الجمهور بينده عليك قال لي تعالى معايا الهتاف ده انت شريك اساسي فيه، قلت له لا ده نجاحك انت و محدش له حق ياخد منك اللقطة دي، راح للجمهور و هو في قمة السعادة".
وأضاف: "أنا طلعت الموبايل و صورت الفيديو ده، فرحتي باللقطة دي محدش يتخيلها، فرحتي بفرحة و نجاح يستحقها أجمل انسان ملهم قابلته في حياتي، فرحتي بأعظم و أذكى جمهور في الكون اللي اختار توقيت التحية عشان يوجه ألف رسالة ابسطها شكرا للانسان اللي وقف معانا و مابعناش في زمن الكل بيبيع".
وأكمل: "شكرا جمهور الاهلي العظيم على لقطة عظيمة، شكرا مارسل كولر انك خلتني اعيش التجربة دي، جسمي بيقشعر كل ما شوف الفيديو، يا رب دوما فرحة و نجاح، أهلاوي أنا والفخر لي".