خليته يغني وهو عنده 82 سنة.. عصام كاريكا يحكي كواليس تعاونه مع الفنان فؤاد المهندس

تحدث الفنان عصام كاريكا عن تعاونه مع الفنان الراحل فؤاد المهندس في فوازير مدرسة عمو فؤاد، التي كانت تعرض في تسعينيات القرن الماضي.
وأعرب كاريكا، عن سعادته البالغة بتعاونه مع الراحل فؤاد المهندس في بداية مشواره الموسيقي، وذلك خلال لقائه مع الإعلامية نورهان عبد الفتاح في برنامج زوم ونص عبر شاشة قناة هي: «الواحد لما يتحط في تاريخه إنه اشتغل مع الفنان فؤاد المهندس، وغنى من ألحاني فدي حاجة كبيرة وشرف ليا».
وكشف كاريكا، كواليس تعاونه مع الفنان فؤاد المهندس: «الأستاذ فؤاد كان بيعمل فوازير اسمها عمو فؤاد وكانت مشهورة أوي في تسعينيات القرن الماضي، وقدمها 12 سنة ورا بعض، وكلموني قالولي عايزينك تعمل مزيكا لفوازير فؤاد المهندس».
وأضاف: «الأستاذ فؤاد كان عمره 82 سنة وقتها، واللي جه في بالي أنا إزاي أخلي حد عنده 82 سنة يغني والناس تتقبله، والحمدلله عملتله الأغاني ونجحت».
وعن لقاء الراحل فؤاد المهندس: «لما جالي الاستوديو عشان نسجل ونعمل الأغاني كان تعبان جدًا وبيسندوه، ربنا يرحمه كان وما زال أسطورة فنية كبيرة».