مي عمر: اتظلمت كتير.. جوزي قدمني لكن مفيش حد بيفرض فنان على الناس

أكدت الفنانة مي عمر، تعرضها للكثير من الظلم منذ بداية مسيرتها الفنية، مضيفة: "اتظلمت كتير وكنت بحس بالظلم زمان لما كان يتقال عليا إني في التمثيل بسبب جوزي محمد سامي ولكن بعد فترة بقيت أفكر بعقلانية وجوزي قدمني".
وأضافت مي عمر، خلال حوارها ببرنامج "حبر سري"، مع الإعلامية أسما إبراهيم، على قناة القاهرة والناس: "جوزي قدمني ولكن بعد أعمال كتير عملتها مينفعش يتقال جوزي، ومفيش حد بيفرض حد على الناس، وفي ناس كتير بيتعمل لها كل حاجة، ومش بتنجح والمهنة دي مفيهاش حد يفرض حد على الناس".
وتابعت: "أكيد دعم جوزي ليا كان أسهل كتير من أني ابدأ لوحدي، ولكن بعمل شغل وفي الآخر الجمهور هو اللي يقرر، وعلى قد النجاح على قد النجومية".
وأكدت أنها لم تندم على أي عمل رفضته: "في كل قراراتي بحس إن القرار كان الأحسن ليا وأنا بخاف من الفشل مترددة لكن مش خوافة".